Alfredo Stroessner

Eus Wikipedia

Alfredo Stroessner Matiauda (3 a viz Du 191216 a viz Eost 2006) a oa ur politikour hag ur jeneral eus Paraguay, a voe prezidant ar vro-hont etre 1954 ha 1989.

Ganet e oa bet d'an 3 a viz Du 1912 en Encarnación e Paraguay. Mab e oa da Hugo Stroessner,ur bresour-bier a orin eus Bavaria, ha da Heriberta Matiauda, genidik a Baraguay. D'e seitek vloaz ez eas war ar vicher soudard hag e savas tamm-ha-tamm gant skeul hierarkiezh an arme. Daou vloaz diwezhatoc'h e oa letanant.

E 1932 e teuas brezel an t-Chaco, ha kaset e voe Alfredo Stroessner d'an talbenn. Buan e voe tapet galoñsoù gant Alfredo Stroessner dre ma tiskouezas bout kalonek ha speredek war an dachenn-emgann, ha leal ouzh ar jeneral Higinio Moríñigo. Neuze, hag abalamour da se e voe anvet da jeneral penn an armeoù.