Hent

Krogit e-barzh !
Un danvez pennad eo ar pennad-mañ ha labour zo d'ober c'hoazh a-raok e beurechuiñ.
Gallout a rit skoazellañ Wikipedia dre glokaat anezhañ. 

Un hent (liester : hentoù, heñchoù e meur a rannyezh)a zo un egorenn m'eo posubl d'an dud mont da vale warnañ eus ul lec'h d'un all. Terket e vezont diouzh ezhommoù an dud hag en ur tennañ kont eus ar skoilhoù naturel pe denel. Dre vras e vez an hentoù war an douar noazh pe kaledet gant mein bilet.
Dre astenn e vez kaoz eus an hentoù war vor koulz ha, dre skeudenn, pep tra a seblant ober e hent evel war hentoù difetis er spered hag ar vuhez kevredigezhel.
Dre skeudenn ivez e veze gwelet (hag e vez c'hoazh) un hent en oabl steredennet, Hent (pe Heñchoù) Sant-Jakez (pe Hent Sant-Jalm), da lavaret eo un darn eus galaksienn m'emañ an Douar enni.

Eus an hentoù koshañ digoret gant an dud kentañ, marteze o heuliañ reoù al loened bras ha gouez betek hor c'hevredigezhioù modern ez eus bet ezhomm eus ar c'hehentiñ (ken+hentiñ) da lavaret eo kaout darempredoù etre an dud ha mont d'ar parkoù evit gounid ar boued. Ne oant nemet gwenodennoù (pe ribouloù pe hentigoù) war an douar noazh a-raok m'eo bet lakaet meur anezho da vezañ ledan a-walc'h evit tremen an dud war an daou du.
Dre m'eo bet an Denelezh o kreskiñ e-keñver ar boblañs ez eus bet muioc'h-muiañ a hentoù evit mont da bep lec'h anavezet hag eus pep lec'h da n'eus forzh peseurt lec'h all ken eo an holl hentoù o c'hroaziañ an eil egile. Pa vez daou pe vuioc'h hent o c'hroaziañ ez eus ur c'hroashent. War ar c'hroashentoù e vez staliet peurvuiañ meur a dolpadur-annez bihan ha bras.

Goude m'eo bet ijinet ar rodoù ken ma veze aesoc'h kas an traoù hag an dud war garbedoù ez eas an hentoù etre an tolpadurioù-annez da vezañ ledanaet diouzh an tremen ha diouzh ledander ha tizhder ar c'harbedoù. En XXvet kantved, pa kerskas ar boblañs, brasded ar c'harbedoù e oe savet gourhentoù, meur a forzh ganto, eus daou forzh evit pep tu (hent peder fozh) betek ar gourhentoù daouzeg forzh kavet er Stadoù-Unanet.

Da vezañ kendalc'het

Gerioù deveret pe gant gant hent enno

• gourhent
• hentad
• hentadur
• hentaouiñ
• hent-bras
• hent-dall
• hent don
• hent ar Groas
• hent-houarn
• hent-meur
• hent-tizh
• hent-treuz
• hent-troad
• karrhent (hent-karr)
• kroashent

Sell ouzh ivez

• gwenodenn
• ode
• riboul : un hent strizh
• ribin, un hent strizh pe hentig goude tremen ul loen bras
• straed