Beuzeg

Budog , pe Beuzeg, a oa ur manac'h deuet da Vreizh eus Kembre e dibenn ar V-vet kantved, da-heul Maodez . Diskib e oa da sant Maodez, a oa war Enez Maodez, ha savet en devoa ur manati nepell, en enez Lavred, en enezeg Briad

E-touez e ziskibion e oa ar sent Fragan ha Gwenole, a voe kenteliet gantañ, hervez an hengoun, adalek e vugaleaj.

Anavet eo dre zanevell buhez (pe Vita) sant Maodez ha Vita Maglorii, buhez sant Maglor''. Hervez Kronikenn Dol, e dibenn an XI-vet kantved, e oa bet lakaet da eskob Dol e-lec'h Maglor, a oa bet anvet war-lerc'h Samzun.

Sant paeron

Sant paeron meur a barrez eo:

• Beuzeg ar C'hab,
• Beuzeg-Konk,
• Tregarvan,
• Plourin-Witalmeze
• Porspoder.

Gourdisten, a skrive kement-man diwar e benn : "Beuzeg a oa ur servijer henvel ouzh un ael, pinvidik-meurbed a skiant, eeun-dispar, kemeret gant an holl evit un hent meur war-du ar feiz hag unan eus pileroù galloudusañ an Iliz".