Beg ar vronn

Beg bronn ur vaouez, stegnet.

Stegnet ha distegn

Beg-bronn gwaz, stegnet e-kreiz ar blev

Begoù-bronnoù dreist-kont. A - Dreist-kont. B - Ordinal. C - Dreist-kont

Beg ar vronn a vez graet eus ul lodenn eus ar vronn, an hini uhelañ pa vez gourvezet ar c'horf.

Tanavoc'h eo kroc'hen ar vronn er beg anezhi, eno e c'hall laezh ar maouezed treuziñ evit reiñ da zenañ. Graet eo beg ar vronn evit magañ, bezañ chutet, pe sunet, eta. Kerkent ha ganet e oar ar vugale klask beg ar vronn, ha chutal anezhañ.

Leun eo kroc'hen beg ar vronn a nervennoù kizidik. Pa deu riv d'ar c'horf, pe pa sav tan ar c'hoant ennañ, e teu begoù an divvronn da stegnañ. A-hervez eo dre biñsañ anezho e c'haller gouzout ha van a ra paotr pe blac'h da vout semplet.

Reizhelezh

Tener eo beg an divvronnoù, ha plijadur ar sadourien eo piñsañ anezho. Evit an dud-se ez eus bet ijinet piñsetezioù, c'hoarielloù evit o abadennoù plijadur.

Dilhad ha giz

Al lodenn-se eus an divvronn eo a veze klasket kuzhat ar muiañ, dre vezh-fur, abalamour ma c'halle diskuliañ c'hoant ar c'horf. Graet e veze tammoù dilhad da guzhat ar begoù-bronnoù zoken.

Hiziv e kaver un emzalc'h kontrol gant tud zo. Graet e vez brennidennoù ken bihan ma ne guzhont nemet ar begoù-bronnoù, brennidennoù sav-bronnoù graet evit diskouez ar begoù dindan an dilhad, hep kontañ ar begoù faos, reut atav.

Begoù bronnoù ar wazed

Bruched paotr. Ar baotred n'o devez ket trawalc'h a destosteron a gresk o bruched evel hini ar merc'hed. Gynecomastia a vez graet eus se.

Da vare o c'hrouiñ, war-bouez o organoù reizhel, eo peurheñvel an hollvronneged er fetus. Gant an dud e pad kement-se betek 14 sizhun. Goude e krog ar re zo gourel da aozañ hormonoù gourel evel an testosteron. Peurvuiañ ne gemm ket begoù bronnoù ar baotred goude ar mare-se.
Gwazed zo koulskoude, pa n'o devez ket trawalc'h a destosteron a gresk o bruched evel ar merc'hed, ha dreist-holl al lodenn druz en-dro d'ar begoù-bronnoù. Gynecomastia a vez graet eus se.

Toullañ

Merc'hed ha paotred zo a blij dezho minellañ begoù o bronnoù, un ober disakr ouzh skeudenn ar mammoù magerezed. Gwir eo ne aesa ket an denañ.

• Gwelout toullañ beg ar vronn.

Krennlavar

Beg bronn dindan un hiviz

Poltred ur Yuzevez, gant Charles Landelle (1821–1908). Klasket en deus an arzour diskouez beg ar vronn dindan an hiviz.

Tri zra a laka ar bed da vont
Beg ar soc'h
Beg ar vronn
Ha beg an ibil pa vez sonn.

Skeudennoù

• 
  Beg-bronn troet war-zu an diabarzh
• 
  Kvindelige bryster og brystvorter
• 
  Bruched gwaz, splann ar begoù-bronnoù.
• 
  Kvinde med tydelige brystvorter igennem tøjet
• 
  Beg-bronn toullet
• Poster fra Sovjetunionen år 1930. "Passer du på dine bryster? Hærd brystvorterne med daglig vask i koldt vand."
  Poster fra Sovjetunionen år 1930. "Passer du på dine bryster? Hærd brystvorterne med daglig vask i koldt vand."
• 
  Bruched, areola, beg-bronn
• 
  Kvindeligt bryst I profil

Lennadurezh

• (en) Stephen Jay Gould, "Male Nipples and Clitoral Ripples", in Adam's Navel and Other Essays, London: Penguin, 1995.
• (pl) Janina Sokołowska-Pituchowa (red.) Anatomia człowieka. Podręcznik dla studentów medycyny. Wyd. VII. PZWL 2005 ISBN 83-200-3185-0.