Anv-kadarn

Un anv-kadarn a zo anezhañ ur ger a vez implijet evit ober dave d'un den, d'ul lec'h, d'un degouezh, d'un dra pe perzh un dra. E-lec'h un anv-kadarn e c'heller implijout ur raganv (d.s. eñ, piv).

Hervez struktur ar yezh, e c'hell chench stumm orin un anv-kadarn hervez perzhioù yezhadurel resis, da skwer:

• An niver, d.s. paotr (unander) > paotred (liester)
• Ar reizh, d.s. kemener (gourel) > kemenerez (benel pe gwregel)
• Ar c'has, pe an dro-c'her, d.s. gizon (absolutivel) > gizonak (ergativel) en euskareg

Ur rummad yezhadurel eo an anvioù-kadarn hag a c'hell bezañ isrannet e meur a zoare, da skwer:

• Anvioù fetis o tennañ da draoù fetis (d.s. kador, aval, Añjela) hag anvioù difestis o tennañ da vennozhioù, trivliadennoù h.a. (d.s. karantez, frankiz). Ne vez ket aezet atav ober an diforc'h etre an daou zoare anvioù-mañ.

• anvioù divoutin (d.s. "Yann-Vari") hag anvioù boutin' ' (d.s. "paotr").

• Anvioù a-stroll (d.s. "tropellad", "blokad").

An anvioù eo a dalvez da renerien ha da renadennoù en ur frazenn, met en o lec'h e c'haller lakaat raganvioù .

Gwelet ivez:

• Anv divoutin
• Kevreadurezh
• Niver (yezhoniezh)