Paul Ladmirault : diforc'h etre ar stummoù
D Robot ouzhpennet: de:Paul Ladmirault |
D Add image from http://tools.wikimedia.de/~emijrp/imagesforbio/ |
||
Linenn 1: | Linenn 1: | ||
[[Skeudenn:Paul Ladmirault.jpg|thumb|right|Paul Ladmirault]] |
|||
<!--rummadoù--> |
<!--rummadoù--> |
||
Stumm eus an 2 Her 2010 da 02:40
Paol Ladmirault (Paul Ladmirault e galleg) zo anezhañ ur sonaozer eus Breizh. Ganet eo bet d'an 10 a viz Kerzu 1877 e Naoned ha mervet eo d'an 30 a viz Du 1944 e Kamoel (Mor-Bihan).
Buhezskrid
Ganet eo bet Paul Ladmirault e Naoned d'ar 10 a viz Kerzu 1877. Skrivañ a reas e oberennoù kentañ pa oa 8 vloaz hepken. Seniñ a rae ar piano, an orglez hag ar violoñs. Ur bugel marzh a oa anezhañ. E opera kentañ "Jili Raez" a oa bet c'hoariet pa oa 16 vloaz. Mont a ra e-barzh klas sonerezh Gabriel Fauré, ha klaviazañ en deus graet darn eus oberennoù e vestr. Anavezet eo Ladmirault ivez evel emsaver breton. Stourm a reas evit emrenerezh sevenadurel Breizh. Unan eus sonaozourien gentañ ar bodad arzel Seizh Breur e oa. D’e heul ec’h emezelas buan Georges Arnoux ha diwezhatoc'hik Paol ar Flemm. Deskiñ a reas brezhoneg ha kembraeg ha treiñ a reas "Barddas", levr ar Varzhed. Marvel a reas en e di e Kamoel (Bro-Naoned) d'an 30 a viz Here 1944.
Oberenn
Awenet eo oberenn Ladmirault gant mojennoù ar Gelted. Brudet eo evit e varzhonegoù siñfoniek, en o zouez emañ "Breselien diouzh ar mintin" hag "Ar Briwer". Oberennoù all a zo bet savet gantañ diwar-benn Breizh end-eeun pe bed ar Gelted "Heuliad brezhon" e 1903, ha "Rapsodienn ouezel" e 1909, pe sonerezh Tristan hag Izold. N'eo ket bet c'hoariet gwech ebet e eil opera Myrdhin (Marzhin). Pezhioù sonerezh relijiel kaer-kenañ a zo bet savet gantañ ivez.
Oberoù pennañ
Oberoù sonerezh siñfoniek hag operaoù
- Heuliad Breizh
- Belegez Korydwenn, gourc'horoll
- Ar Briwer, barzhoneg siñfoniek
- Er c'hoad, barzhoneg siñfoniek
- Valsenn drist evit piano ha laz-seniñ
- Bresilien diouzh ar mintin, barzhoneg siñfoniek
- Dimeziñ evit laz-seniñ ha piano
- Yaouankiz Cervantès evit laz-seniñ
- Sinfonienn en Ut
- Heuliad Breizh 1903
- Rapsodienn ouezel 1909
- Tristan hag Izold, sonerezh leurenn 1929
Oberoù sonerezh kambr
- Argemm war tonioù binioù evit piano pevar dorn
- Marc'hekadenn, faltazienn war "reeloù" skos, triad evit violoñs, gaolvioloñs ha piano
- Tenergan evit pevarad-kerdin
- Triad "ar Stêr" evit violoñs, gaolvioloñs ha piano
- Faltazienn evit violoñs ha piano 1899
- Kanaouennoù ar mor evit usvoud ha piano 1906
- Sonatenn evit violoñs ha piano 1931
- Pempad-kerdin 1933
- Pevarad-kerdin 1933
- Eus an Disheol d’ar Sklêrijenn evit violoñs ha piano 1935
- Koral hag argemm evit piano ha pempad-c'hwezh 1936
- Sonatenn evit gaolvioloñs ha piano 1939
- Sonatenn evit klerinell ha piano 1942
Oberoù piano ha kanaouennoù
- Daou dañs
- Pevar pezh
- Eñvor un azen
- Peder damskeudenn evit piano
- Valsenn drist evit daou biano 1901
- Brimbalerezh 1929
Oberoù mouezh ha relijiel
- Tantum ergo evit mouezh, orglez ha laz-seniñ
- Oferenn verr evit kor ha orglez
- Myrdhin, opera
- Jili Raez, opera 1893
- Tonioù kozh evit tenor, pevarad-kerdin ha piano 1897
- Glycères, operetenn 1928