Tog : diforc'h etre ar stummoù

Endalc’h diverket Danvez ouzhpennet

Inline

Stumm eus an 6 Mae 2010 da 14:56

Un tog, pe ur c'habell, zo ur pennwisk, da lavarout eo ur pezh dilhad a vez lakaet war penn an dud, koulz paotred koulz merc'hed. A bep seurt togoù zo, pep seurt stumm dezho.

Lodennoù

Peurvuiañ e vez div lodenn en un tog:

ar pod, pe podenn, pod an tog, ma lakaer ar penn pe ar c'hlopenn;
an erien, ledan pe ledanoc'h.

Stummoù

Darn a vez lakaet war ar penn, hag a zo dierien.
Darn all zo erienet, evel ar sombrero .
Darn a c'holo ar gouzoug pe an dremm, ouzhpenn ar blev.
Darn zo kornek, daougornek, tric'hornek...

Gerdarzh ha distagadur

Dont a ra ar ger eus ar ger gallek "toque".
Daou zistagadur a gaver d'ar ger: gant ur vogalenn verr, e doare Kerne-Izel (liester tokoù, tokeier), pe gant ur vogalenn hir, e doare Treger (liester togoù). E geriadur Jules Gros e kaver meneg eus tokoù ha togoù, met togoù hepken er skouerioù.

Gwiskañ ar penn

Gwiskañ ar penn a vez graet gant seurtoù togoù abaoe pell, ha gant pezhioù dilhad all, a bep seurt anvioù dezhe: boned, kasketenn , koef, bered.

Betek kreiz an XXvet kantved e oa ret d'an dud goleiñ o fenn e pep lec'h, panevet-se ne oant ket gwisket da-vat. Ne oa nemet ar vugale ha ne oa ket ret dezho. Pa vez gwelet filmoù kozh e weler micherourien gant kasketennoù, pesketaerien gant bonedoù, labourerien-douar gant togoù, merc'hed gant koefoù, pe gant mouchouerioù. Ha soudarded, poliserien, beleien, gwisket o fenn ivez.

Ne oa nemet er gêr, hag er parkeier pe war vor, ne oa ket ret gwiskañ ar penn. Met er parkeier evel war vor, ma laboure an dud dindan ar seizh amzer, e oa furoc'h goleiñ ar c'hlopenn, traken 'met evit ar yec'hed.

Auguste Renoir, Emboltred, 1876. Kasketennet eo an arzour.

|

Tennañ an tog

Tennet e veze an tog dirak an dud uhel, ar person evel-just, ar maer, an aotrou (perc'henn an douar, pe an ti), ar skolaer. Hag ivez en iliz.

Ar merc'hed avat ne oa ket ret dezho ober, na dirak tud uhel na "dirak Doue", dre ma ne oa ket dereat dezho dispakañ o blev.

Gwiskañ un tog

Togoù a bep seurt

A bep seurt anvioù zo, hervez ar stumm, an danvez, ar vro orin ar yezh.

An tog plouz
An tog foñs uhel, pe tog foñs hir,
An tog pompad, pe tog pomper, a zo bowler hat e saozneg, a weler er filmoù kozh war bennoù Charlie Chaplin pe Stan Laurel hag Oliver Hardy
An tog voulouz, pe tog goz, pe tog blev goz, togoù doare Breizh.
An tog ruz: tog ar gardinaled, en iliz katolik.
An tog feur, gwisket er broioù yen, chapka e ruseg.
An tog-houarn, pe tokarn, pe helm, a vez gwisket gant soudarded.

Gerioù deveret

Un tog-touseg, pe ur c'habell-touseg zo unan.
Un tog kistin.
Didog, pe diskabell eo an hini n'eo ket goloet e benn.
- Didogañ un dra bennak a zo kement ha tennañ ar seurt tog zo warnañ, evel an dent, a vez toget hag a c'hall bezañ didoget.

Maouezed a renk uhel o tispakañ togoù diouzh ar c'hiz e-kerzh redadeg kezeg Ascot, e Bro-Saoz

Troioù-lavar

Mont e tog: pa voe dilezet ar c'hoefoù gant ar merc'hed diwar ar maez, e-kerzh an ugentved kantved, e veze lavaret ez aent e tog.
Togañ ar bern plouz: aozañ ar bern plouz evel pa vije lakaet un tog dezhañ.

Anvioù-tud

Anavezet eo an anvioù-tiegezh-mañ:

Kabelleg
Daougabell

Anvioù togoù eus ar bed

An akubra eus Aostralia.
Ar borsalino, an tog feltr aozet gant Giuseppe Borsalino, deuet da vout hini riblerien ar bloavezhioù 30.
Ar chupalla, eus Chile
An homburg, pe hombourg
Ar fedora, ur seurt borsalino
Ar panama, ha n'int ket graet e Panama, met en Ekwador.
Ar sombrero, tog erienet ledan Spagn, pe broioù spagnolek: brudet eo ar sombrero mec'hikan.
An togoù kornek:
- An tog daougornek
- An tog tric'hornek
An trilby.

Lennadurezh

Colin McDowell, Le chapeau et la mode, des origines à nos jours, Celiv, Pariz, 1992, 224 p. (ISBN 2-86535-208-0)

Liammoù

Mirdi gall an togoù

@@ Linenn 2: / Linenn 2: @@
-Un '''tog''', pe ur '''c'habell''', zo ur pezh [[dilhad]] a vez lakaet war [[penn]] an dud, koulz [[paotr]]ed koulz [[merc'h]]ed. A bep seurt togoù zo, pep seurt stumm dezho.
+Un '''tog''', pe ur '''c'habell''', zo ur pennwisk, da lavarout eo ur pezh [[dilhad]] a vez lakaet war [[penn]] an dud, koulz [[paotr]]ed koulz [[merc'h]]ed. A bep seurt togoù zo, pep seurt stumm dezho.
 == Lodennoù ==
@@ Linenn 91: / Linenn 91: @@
 == Anvioù togoù eus ar bed ==
-[[Skeudenn:Akubra-style hat.jpg|thumbnail|150px|Akubra.]]
+[[Skeudenn:Akubra-style hat.jpg|thumbnail|150px|[[Akubra]].]]
 * An ''[[akubra]]'' eus [[Aostralia]].