Gouel ar Rouaned

Gouel ar Rouaned, pe Gouel ar Rouanezpe c’hoazh Gouel ar Sterenn a zegas soñj eus uhelidi bet o tegas profoù da Jezuz pa oa bet ganet.
Daoust ma n’eo skrivet e nep lec’h en avieloù e vez graet rouaned anezho gant an hengoun, hag e vije bet tri anezho.

• Melkior, teñval e groc’hen, a zegas ezañs,
  
• Gaspar, sklaer e groc’hen, a zegas aour,
• Baltazar, du e groc’hen, a zegas mir.

Dont a raent eus broioù ar sav-heol hag heuliet o dije bet ur steredenn vras he dije diskouezet an hent dezho.

Penaos e vezont skeudennet

A-hed ar c’hantvedoù eo emdroet o skeudenn. Diskouez a reont neuze teir rann ar bed anavezet d’ar c’houlz-se : Melkior a zeu eus Azia, Gaspar eus Europa, ha Baltazar eus Afrika.
Tri oad an den a skeudennont ivez : unan ’zo kozh, an eil ’zo e-kreiz e vrud, hag an trede ’zo yaouank.

Restr:Adoration.jpg

An Tri Roue e kraou ar Mabig Jezuz, taolenn gant Fra Angelico ha Filippo Lippi

Lid

Lidet e vez Gouel ar Rouaned d’ar 6 a viz Genver, pe neuze d’an eil Sul war-lerc’h Nedeleg (evit Iliz Frañs).

Gwastell ar Rouaned

Debret e vez gwastell ar Rouaned a zo ur favenn e-barzh. An hini emañ ar favenn en e lod a zeu da vezañ roue evit an devezh.