Taouarc'h

Taouarc'h e Lewis, e Bro-Skos.

Mouded taouarc'h du lakaet da sec'hañ, d'ober danvez-tan .

Taouarc'heg en Iwerzhon goude an dastum.

Bern taouarc'h e Bro-Skos

En 1987 en "Ewiges Meer" (al Lenn Peurbadel), Friz, e gwalarn Alamagn.

Taouarc'h a vez graet eus an danvez a deu diwar geot brein er glebiennoù, pe douaroù gleb, a vez graet taouarc'hegi anezho.

A belec'h e teu an taouarc'h

Er geunioù ne beurvrein ket ar plant abalamour ma'z eo trenk an douar. Berniañ a ra kinvi, gwez, kebell-tousegi, kenkoulz evel korfoù marv amprevaned pe loened. Abalamour d'an diouer a aer, pe a oksigen en dour pe ne douar gleb n'a ket an holl draoù-se betek peurvreinañ.

Blaz an taouarc'h

Gant taouarc'h e vez sec'het an heiz a yelo d'ober wiski e kornioù zo eus Bro-Skos, en Hebridez. N'eo ket blaz an taouarc'h, met blaz ar moged diwar tan taouarc'h a vez kavet war un toullad wiskioù eus an inizi, an Talisker (eus Skye) pe Laphroaig, eus Islay da skouer.