Tigreeg

Patrom:Peurunvan

{{{2}}}

Ur yezh semitek eus is-skourr yezhoù etiopek an norzh eo an tigreeg (ቲግሬ tigre pe ኻሳ c'hasa) komzet en Eritrea (800 000 den e 1997) hag e norzh Soudan.

Daoust ha m'ec'h eo heñvel-tre o anv, n'en deus an tigreeg netra da welet gant Proviñs Tigray en Etiopia.

Tost-tre eo an tigreeg d'an tigrigneg dreist-holl hag ivez d'an amhareg.

Ur rannyezh pennañ ez eus:

• ar mansaeg' (mansa pe mensa)

Evel an darn vrasañ eus ar yezhoù etiopek e vez kavet en tigreeg ar c'hensonennoù strakal. Diouzh an tu all, avat, e ra c'hoazh an tigrigneg gant an div gensonenn farinjek distaget er c'hourlanchenn a veze kavet sañset er geuzeg met kollet gant an darn vrasañ eus ar yezhoù etiopek all nemet an tigrigneg ha neuze e c'heller ober an diforc'h diouzhtu dre gomz etre ar yezhoù-mañ ha yezhoù kar all evel an amhareg.

Abaoe an XIXvet Kantev e vez skrivet e vez an tigrigneg gant ar skritur etiopek bet diorroet er penn-kentañ evit skrivañ ar geuzeg bet degaset eno gant misionerion eus Sveden evit reiñ ar Bibl er yezh-mañ. E gwirionez, avat, dre m'emañ liammet-stank ar geuzeg ouzh Iliz Ortodoksel Tewahedo Etiopia e kav gwell an darn vrasañ eus an Digreed, muzulmaned anezhe, ober gant an arabeg evel yezh dre skrid hag e kavfent gwelloc'h e vije skrivet o yezh ivez oc'h implijout al lizherenneg arabek.

Liammoù diavaez

• Kentelioù tigreeg war-linenn
• Ethnologue

Gwelet ivez

• Yezhoù etiopek

Porched ar yezhoù hag ar skriturioù Adkavit pennadoù Wikipedia a denn d'ar yezhoù.