Reizhiad korvoiñ : diforc'h etre ar stummoù

Eus Wikipedia
Endalc’h diverket Danvez ouzhpennet
JAnDbot (kaozeal | degasadennoù)
D Robot ouzhpennet: arz:نظام تشغيل
SieBot (kaozeal | degasadennoù)
D Robot kemmet: fa:سیستم‌عامل
Linenn 216: Linenn 216:
[[et:Operatsioonisüsteem]]
[[et:Operatsioonisüsteem]]
[[eu:Sistema eragile]]
[[eu:Sistema eragile]]
[[fa:سیستم عامل]]
[[fa:سیستم‌عامل]]
[[fi:Käyttöjärjestelmä]]
[[fi:Käyttöjärjestelmä]]
[[fr:Système d'exploitation]]
[[fr:Système d'exploitation]]

Stumm eus an 10 Du 2009 da 09:22

Ubuntu

Erouezadur

Ur strollad goulevioù sternet ouzh un urzhiataer pe un trevnad stlennegel o tiogelaat daou arc'hwel meur eo ur reizhiad korvoiñ :

> Ardeiñ loazioù an trevnad stlennegel o tiogelaat al lodennadur anezhe etre meur a arveriaded.

> Diogelaat d'an arveriaded ur strollad gwazerezhioù oc'h erouezañ dezhe ur c'hetal azasoc'h d'o ezhommoù eget hini an ardivink alvezel.

Ur strollad meziantoù ha periantoù amkanet da efediñ gwezhiadurioù oc'h ober gant keweriañ ent emgefreek ar stlennoù eo ar reizhiad stlennegel.

Kehentiñ un hevelep reizhiad gant ar bed tro-dro a zo diogelaet gant parzhioù haeziñ ; Un etrewezhiañ gant trevnadoù alvezel e vez ar reizhiad stlennegel oc'h evezhiañ pe sturiañ anezhe a vez diogelaet gante ivez.

Arc'hwel ar reizhiad stlennegel a pourchas gwezhiadurioù gouest da skoaziañ da seveniñ kudennoù boaz :

- Ardeiñ ar stlennegoù : kadaviñ, dihaeziñ, klask, kehentiñ, gwareziñ ouzh an teukadoù hag an ebarzhiñ ;

- Danzen ar goulevioù ;

- Ardeiñ ar loazioù da gevaraezañ korvoiñ ar goulevioù (krouadur un amva ret da erounit ar goulevioù) ;

- Ardeiñ ha rannañ al loazioù (periant, stlennegoù....) etre an holl arveriaded ;

Ar strollad gougorioù-se pourchaset gant ar reizhiad korvoiñ a zo evit arveriaded ar reizhiad stlennegel-se un ardivink solluniek (distrilhet) pe darvanel en enebiezh ouzh an ardivink alvezel kediet gant parzhioù periantel.


Meziant arload
Meziant diazez
Ardivink alvezel

Dielfennet e c'hell bezañ ar meziant diazez e daou live :

> Binvioù ha gwazierezhioù (kempunerioù, kargerioù, embannerioù, goulevioù mavek....) ;

> Ar reizhiad korvoiñ ;

Roll ar reizhiad korvoiñ

---> Ardeiñ ar c'hewerier : karget eo ar reizhiad korvoiñ d'ardeiñ an deverkañ ar c'hewerier etre ar goulevioù oc'h arverañ un treol kanturzhiañ. Rizh ar c'hanturzhier a zo e dalc'h ar reizhiad korvoiñ.

---> Ardeiñ ar vemor vresk : karget eo ar reizhiad korvoiñ d'ardeiñ ar memor vresk deverket da bep arload hag ivez da bep arveriad. Pa ne vez ket a-walc'h a vemor vresk e vez krouet ur maez memor war ar gantenn galet anvet memor darvanel. Ar c'halvezder-se a gevaraez d'arverañ arloadoù a vez o c'houlenn muioc'h a vemor eget ma 'z'eus e-barzh an urzhiataer ; hogen kalz gorrekoc'h eo ivez !

---> Ardeiñ an enankañ/ec'hankañ : kevaraezañ a ra ar reizhiad korvoiñ da unelaat ha da wiriañ an haeziñ ar goulevioù arload d'al loazioù periantel dre ar sturioù anvet ivez ardoerioù trobarzhelloù pe ardoerioù enankañ/ec'hankañ.

---> Ardeiñ an erounit an arloadoù : karget eo ar reizhiad korvoiñ d'ardeiñ an arc'hwel reizh d'an arloadoù o teverkañ dezhe al loazoù periantel rekis. Galloud a ra lazhañ un arload ne vefe ket ken oc'h arc'hwelañ reizh.

---> Ardeiñ ar gwirioù : karget eo ar reizhiad d'ardeiñ ar surentez e-keñver erounezadur an arloadoù. Diogelañ a ra e vije arveret al loazoù nemet gant ar goulevioù hag an arveriaded gwirioù rekis gante.

---> Ardeiñ ar restroù : Ardoet e vez gant ar reizhiad korvoiñ al lenn hag ar skrivañ er reizhiad restroù hag ar gwirioù haezerezh d'ar restroù gant an arloadoù hag an arveriaded.

---> Ardeiñ an ditouroù : pouchas a reont ouzhpenn ditouroù dindan stumm menegerioù a-zivout stad arc'hwel an ardivink.

Arc'hwellioù ar reizhiad korvoiñ

Galloud a reomp renkañ arc'hwellioù pennañ ar reizhiad korvoiñ evel-hen :

Arloadoù
Ardeiñ al labourioù reizhiad korvoiñ
Ardeiñ ar restroù reizhaid korvoiñ
Ardeiñ an enankañ-ec'hankañ reizhiad korvoiñ
Ardeiñ ar memor reizhiad korvoiñ
KRAONELL reizhiad korvoiñ
Periant

Renkadur ar reizhiadoù korvoiñ

Meur a rizh renkadurioù a vez arveret :

---> Gant hentenn haeziñ d'ar reizhiad gant an arveriad ;

- dre estezioù : reizhiadoù treuzgreat hag etrewezhiat (da skouer : amberzañ ur vilhetenn er SNCF...),

- dre reked : amzer werc'hel,

- dre labourioù (batch) : keweriañ dre lodoù (da skouer, hizivaat kontoù bank e-kerz noz),

---> Gant rizh arloadoù e vez an arveriaded oc'h ober gante ;

- evit danzen goulevioù,

- evit dazverañ ar roadennoù,

---> Gant kefluniadur ar reizhiad stlennegel ;

- ur c'hewerier : reizhiad un-kewerier,

- lies kewerier : reizhiad lies-kewerier,

- diazezet war ur rouedad : riezhiad rouedad,

---> Gant an doare da rannañ al loazioù meziantel hag alvezel ;

- rannañ ar memor etre lies goulevioù : reizhiad lies-goulevet,

- rannañ an amzer gewerier etre ar goulevioù en erounezadur : amzer rannet (rannadur dre kantom amzer) pe amzer werc'hel (rannadur dre tevet ar poelladoù),

---> Gant niver an arveriaded diaser ;

- reizhiad un-stael,

- reizhiad lies-stael,

Perzhioù ur reizhiad

---> Ar soliusted : bevennañ an heuliadoù eus an teukadoù periantel pe eus fazioù an arveriaded. Tremen hebioù ar c'holloù stlennegoù beteg gouzout e vije ur chanad ;

---> An efedusted : arverañ ar gwellañ possubl al loazioù hag ar gallusterioù periantel (hep dispign re evitañ e-unan) ;

---> An aested arver : pourchas un areg arc'hañ (emziviz arveriad/reizhiad) ha deznaouadoù fazioù (reizhiad/arveriad) sklaer ha resis ;

---> An azasausted : kevaraezañ daskemmadurioù meziantel ha periantel an aesañ ar gwellañ gant binvioù arbennik ;

---> Ar muzuliadusted : Marilhañ jederezh al loazioù implijet gant an arveriaded, muzuliañ an arventennoù arc'hwel ha karg ;

Un nebeut reizhiadoù korvoiñ

Galloud a reer diforc'hiñ meur a rizh reizhiadoù korvoiñ hervez o barregezh d'ardeiñ diaser stlennoù 16 bit, 32 bit pe 64 bit a hed.

Reizhiad Enbonegañ Unarveriad liesarveriad Unpoellad Liespoellad
DOS 16 bit X X
Windows 3.1 16/32 bit X nann kentprenel
Windows 95/98/Me 32 bit X kevelourel
Windows NT/2000 32 bit X kentprenel
Windows XP 32/64 bit X kentprenel
UNIX/LINUX 32/64 bit X kentprenel
MAC/OS x 32 bit X kentprenel
VMS 32 bit X kentprenel

Un nebeut despizadurioù

Lavaret e vez eo ur reizhiad korvoiñ liespoellad ("multithreaded" e saozneg) pa eo gouest da erounit lies poellad ("processus") diaser.

Kentprenel eo ur reizhiad korvoiñ pa vez kenstaget ennañ ur c'hanturzhier hag a vez o tazparzhañ an amzer ardivink etre ar poelladoù a c'houlenn anezhañ hervez dezverkoù tevet.

Lavaret e vez eo ur reizhiad amzer rannet pa vez ur feurbarzh (ur c'hota) amzer roet da bep hini eus ar poelladoù gant ar c'hanturzhier. Gwir eo evit ar reizhiadoù korvoiñ liesarveriad a gevaraez da lies arveriadoù d'arverañ diaser war un ardivink arloadoù disheñvel pe beuzheñvel. Ar reizhaid e vez graet anezhañ neuze reizhiad treuzgreadel. Roet e vez d'hen ober da bep arveriad ur feurbarzh amzer.

Parzhioù ar reizhiad korvoiñ

Kediet eo ur reizhiad korvoiñ gant ur strollad meziantoù o kevaraerañ un etrewezhiañ gant ar periant. Setu un nebeut anezhe :

> Ar graoñell ("kernel" e saozneg) a stroll arc'hwelioù diazezel ar reizhiad evel ardeiñ ar memor, ar poelladoù, ar restroù, an enankoù-ec'hankoù pennañ hag arc'hwelioù kehentiñ.

> An dewezhier arc'hadoù ("shell" e saozneg) a gevaraez ar c'hehentiñ gant ar reizhiad dre un areg arc'hañ. Hemañ a ro an tu d'an arveriad da sturiañ an trobarzhelloù hep anavezout dre red dezverkadurioù ar periant e vez oc'h ober gantañ, ardeiñ ennegoù alvezel ha kement 'zo....

> Ar reizhiad restroù ("file system" - FS - e saozneg) a gevaraez da varilhañ ar restroù en ur gwezennad.

Patrom:Liamm PuB