Moudenn

*Sterioù all zo d'ar ger moudenn. Gwelout moudenn (digejañ) .

E korfadurezh an dud, ha hini ar bronneged dre vras, ar mons pubis (moudenn ar c'haol ) e latin, eo an tamm tuchennig kig a gaver gant an eil reizh hag eben a-us d'ar binvioù-engehentiñ.

Moudenn avat a reer e brezhoneg eus an takad bolzet a zo e traoñ kof ar merc'hed (mons Veneris e latin), uheloc'hik eget ar c'hourzh. Dre astenn e reer an anv-se eus ar c'hourzh ivez. A-hend-all e vez graet "ar mouded" eus ar merc'hed gant paotred dizereat zo.

Moudenn ur plac'h, kempennet he blev-gaol

Goulenn dimeziñ

Dre fent e veze graet goap ouzh ar goulenn dimeziñ gant ar rimadell c'hros-mañ:
Me zo deuet d'ho koulenn
Abalamour d'ho moudenn
Ha c'hwi deuio d'am heul
Abalamour d'am peul.