Sabrenn

Gant ar ger Sabrenn e tegouezher amañ. Evit sterioù all ar ger, gwelit Sabrenn (disheñvelout).

---

Sabrenn

Ur sabrenn (sabrennoù, pe sabrinier, el liester) zo un arm dir goveliet da skeiñ gant ar beg hag al lemm. Kamm eo al laonenn anezhi, ha n’eus nemet an tu diavaez a zo lemm, pa vez lemm daou du laonenn ar c’hlezeier. Gant un dorn pe an daou e vez skoet, kement-se zo hervez doare ar sabenn.

Penaos eo disheñvel diouzh ar c’hleze ?

Daou droc’h zo d’ar c’hleze, setu eo aesoc’h da c’hoari gantañ, met lemmañ al laonenn a ra dezhi bezañ bresk . Gant un troc’h hepken eo kaletoc’h ar sabrenn, ledanoc’h keil al laonenn anezhi. Un arm eus ar c’hentañ evit ar soudarded war varc’h.

Sabrinier a bep seurt

• Bokken : sabrenn goad ar samourai
• Simeterrenn : arm an Arabed
• Daisho : hollad div sabrenn japanat ar samouraied: ar c'h- Katana (hir) hag ar wakizashi (berr)
• Flissa (Flyssa peFlissah) : Sabrenn eeun ha moan ar Gabiled.
• Katana : sabrenn eus Japan
• Machaira : sabrenn verr e Makedonia an Henamzer

• Nimcha : sabrenn eus Maroko
• No-dachi : sabrenn hir eus Japan (tremen 120 cm, a-wechoù betek 2 vetrad). Zanbato a vez graet anezhi viez.

• Ninjatô : sabrenn eus Japan, implijet gant an ninja.
• Tachi : sabrenn verr eus Japan.
• Yatagan : sabrenn pobloù zo eus Azia .

Liammoù diavaez

• Armoù an arme c’hall
• Armoù eus Maroko
• Flissa ar Gabiled