Gwilen

Gwilun
Ar Gwilun e Roazhon
Statud	stêr
Hirder	225 km
Uhelder an eienenn	? m
Kas keitat	2 da 1500 m³/s
Gorread an diazad	? km²
Bro(ioù) douret	Bro-C'hall Breizh
Diazad stêrioù	?
En em daol e	Kamoel Meurvor Atlantel
Ledander er genoù	?
Andon	Juvigné
Adstêrioù	Cantache Chevré Il Mozon Oud La Valière Sec'h Sevnon Kaer Don
stêr • hidrologiezh

Ar Gwilun

An eil stêr hirañ a zo e Breizh eo ar Gwilun (anvet ivez Gwilen). E-kichen Juvigné, e departamant ar Mayenne, emañ he mammenn. Redek a ra a-hed 225 kilometr betek ar Meurvor atlantel tost da Bennestin, ma ra an disparti etre Bro-Naoned ha departamant ar Mor-Bihan).

Harzoù

Hervez an dud troet gant Breizh pevar departamant e verk harzoù kreisteiz Breizh: pa dremen marc'hhouarnerien Tro-Bro-C'hall ar pontoù war ar Gwilun etre Bro-Naoned ha Mor-Bihan e lenner er c'hazetennoù gallek, a-du gant ar rannvroioù evel m'emaint, e tegouezhont pe e kuitaont Breizh.

Hervez an dud troet gant Breizh unvan ez eo bruderezh a-enep Breizh istorel evel-just.

Adstêrioù

Ribl dehou

• Kantach
• Chevré
• Il
• Mozon
• Oud

Ribl kleiz

• La Valière
• Sec'h
• Sevnon
• Kaer
• Don

Kêrioù treuzet gant ar stêr

• Gwitreg
• Roazhon
• Plegastell
• Mezeg
• Redon
• Ar Roc'h-Bernez

Pevar departamant

Goude ar Mayenne, e tremen dre 3 departamant eus Breizh: Il-ha-Gwilun, Liger-Atlantel ha Mor-Bihan.

Teir stankell

Teir stankell zo bet savet tost da Witreg:

• e 1978 hini Valière
• e 1982 hini Haute-Vilaine
• e 1995 hini Villaumur

Ur ganol

• Eus ar Gwilun e c'haller mont d'ar Renk war vag, abalamour d'ar ganol (kanol Il ha Renk) kleuzet etre ar Renk hag an Il, adstêr d'ar Gwilun. Treuziñ Breizh a c'haller eta adalek aber ar Renk betek hini ar Gwilun.