Frañsez Kervella : diforc'h etre ar stummoù
Linenn 25: | Linenn 25: | ||
*''Penaos niveriñ ha kontañ e brezhoneg'', 1943, eil emb. Skol, 1965, niv. 31 |
*''Penaos niveriñ ha kontañ e brezhoneg'', 1943, eil emb. Skol, 1965, niv. 31 |
||
* ''Yezhadur bras ar brezhoneg'' [[Skridoù Breizh]] - Ar Baol. [[1947]], Al Liamm, [[1976]], [[1995]]. Sellet e vez ouzh an oberenn-mañ evel unan deus gwellañ yezhadurioù brezhonek bet skrivet biskoazh, abalamour ma'z eo displeget ar brezhoneg dre ar munud. |
* ''Yezhadur bras ar brezhoneg'' [[Skridoù Breizh]] - Ar Baol. [[1947]], Al Liamm, [[1976]], [[1995]]. Sellet e vez ouzh an oberenn-mañ evel unan deus gwellañ yezhadurioù brezhonek bet skrivet biskoazh, abalamour ma'z eo displeget ar brezhoneg dre ar munud. |
||
* ''Krennlavarioù'', [[Skol]] 1959. |
|||
* ''Diazezoù ar sevel gwerzioù''. Brest. Al Liamm - Brest. [[1965]]. |
* ''Diazezoù ar sevel gwerzioù''. Brest. Al Liamm - Brest. [[1965]]. |
||
* ''Evezhiadennoù war c'heriadur Roparz Hemon'', Skol, 1962-3. |
|||
* ''Gerioù diazez ar brezhoneg''. [[Hor Yezh]] - Brest. [[1969]]. |
* ''Gerioù diazez ar brezhoneg''. [[Hor Yezh]] - Brest. [[1969]]. |
||
* ''Méthode nouvelle de breton = Hent nevez d'ar brezhoneg''. Brest : Hor Yezh ; Al Liamm. [[1971]]. |
* ''Méthode nouvelle de breton = Hent nevez d'ar brezhoneg''. Brest : Hor Yezh ; Al Liamm. [[1971]]. |
Stumm eus an 14 C'hwe 2009 da 17:36
Frañsez Kervella, François-Marie Kervella e marilh ar boblañs, ganet en Dirinonn (Kerne - Penn-ar-Bed) en 1913, marvet en Lannuon en 1992. Anavezet eo ivez dindan e anv-pluenn Kenan Kongar. Douarour eo, skrivagner, barzh brezhonek, hogen anavezet dreist-holl evel yezhadurour brezhonek. Er gelaouenn Gwalarn e kemeras perzh, ha goude ar brezel e Barr Heol hag e Al Liamm.
(Taolit evezh : Un den all ar memes anv gantañ a oa o vevañ en amzer-se ha kemeret en deus perzh en Emsav ivez : Frañsez Kervella-Kernu a reer eus hennezh evit ma ne vefe ket kemmesket an daou. Daoust da se e vezont kemmesket alies el levrioù savet diwar-benn an amzer-se.)
Bugaleaj ha yaouankiz
Savet eo bet en ur familh baour o chom war ribl an Elorn e Dirinonn, war harzoù Loperc'hed, ha brezhoneg a veze komzet er gêr. Goude marv e dad er brezel-bed kentañ, pa oa pevar bloaz, ar bugelig a voe disklêriet minor Stad ha desavet gant e vamm hag e dud-kozh.
Buhez micherel
Ijinour war ar c'heologiezh hag ar maengleuzierezh e oa. Goude bezañ graet e studioù e teuas da vezañ douarour hag ez eas d'ober enklaskoù evit kavout eoul-maen en Afrika, e (Gabon hag en Aod an Olifant). Diwezhatoc'h e labouras evit ar CEA da glask kailh uraniom ha mineraloù skinoberiant ha kement-se betek bezañ war e leve-kozhni.
Eil brezel bed
Da heul an dekred kemenn da zivodañ ar Parti National Breton, Strollad Broadel Breizh, d'an 20vet a viz Here 1939 eo preizhet e levraoueg. En 1940 e kemer perzh er Bretonische Regierung e Berlin.
Kemer a reas perzh en adreizh an doare-skrivañ peurunvan en emglev a zeuio diwar se e 1941. Ezel eo bet eus Framm Keltiek Breizh en 1942.
Ur skoazell bras eo bet da Yann Gerlann a-benn sevel ha derc'hel en he sav skol vrezhonek Plistin, ar skol vrezhonek kentañ.
Goude ar brezel
Eurediñ a ra gant Yvette Le Dret (Ivetig an Dred-Kervella) en 1947. Asambles gant e bried eo en em lakaajont da gas ar brezhoneg war-raok o kenlabourat gant lies kelaouenn. Skrivañ a reas e-barzh Barr-Heol hag Al Liamm, met ivez en Hor Yezh.
Pevar bugel o deus bet, Erwan, Annaig, Riwanon ha Divi.
Oberennoù
Studiadennoù war ar yezh
- Penaos niveriñ ha kontañ e brezhoneg, 1943, eil emb. Skol, 1965, niv. 31
- Yezhadur bras ar brezhoneg Skridoù Breizh - Ar Baol. 1947, Al Liamm, 1976, 1995. Sellet e vez ouzh an oberenn-mañ evel unan deus gwellañ yezhadurioù brezhonek bet skrivet biskoazh, abalamour ma'z eo displeget ar brezhoneg dre ar munud.
- Krennlavarioù, Skol 1959.
- Diazezoù ar sevel gwerzioù. Brest. Al Liamm - Brest. 1965.
- Evezhiadennoù war c'heriadur Roparz Hemon, Skol, 1962-3.
- Gerioù diazez ar brezhoneg. Hor Yezh - Brest. 1969.
- Méthode nouvelle de breton = Hent nevez d'ar brezhoneg. Brest : Hor Yezh ; Al Liamm. 1971.
- Yezhadur. Hor Yezh - Lesneven. 1979. (gant Jean-Yves Urien, Yann Desbordes)
- An den etre an anken hag an ankoù, etre an neñv hag an ifern, gwelet a-dreuz darn eus ar c'hantikoù. Hor Yezh - Lesneven. 1981
- Nouvelle méthode de breton = Hent nevez d'ar brezhoneg. Ouest-France - Rozahon. 1984. skeud. gant Erwan Kervella, 1993, 1997
- Kentelioù an trede derez, Ober, moulet gant Hor yezh, 1978
- Geriadur krenn ar brezhoneg, diembann.
- Ur sell nevez war istor ar vro, diembann.
Lennegezh, eñvorennoù
- Gant blaz an avaloù ruz, romant bet kollet.
- Barzhonegoù. Al Liamm - Brest. 1982. Embannet a-dammoù e-barzh : "Gwalarn", 1933-1944
- Dindan gouriz ar bed (e Bro an okoume). Lesneven : Mouladurioù Hor Yezh, 1985.
- An ti e traoñ ar c'hoad : eñvorennoù bugaleaj. Lesneven : Mouladurioù Hor Yezh, 1990.
- Skridoù Frañsez Kervella. Al Liamm. 1993. Notennoù ha pennadoù skrivet gant Frañsez Kervella etre 1930 ha 1941 kinniget gant Per Denez.
Levrioù evit ar vugale
- An naered hag o flemm, Embannadurioù Gwalarn, 1930.
Troidigezhioù
- Ar c'havr hag he givri bihan, hervez ar Grimm Al Liamm. (troidigezh) 1961.
- Pêrig hag ar briñsez, Al Liamm, 1962.
- Bleiz noz Nedeleg, Al Liamm, 1962
- An nadozig vurzhudus. Al Liamm. 1976. gant Roger Judrin, troet gant Kenan Kongar
- Luky Luke, Pare paotred Dalton, Skol an Emsav, 1977.
- Troidigezhioù, Ober, 1983
Kenlabour
Sellit ouzh Geriadur ar Skrivagnerien hag ar Yezhourien, pajenn 172-173.