Frankia ar Reter

Emañ Frankia ar reter e liv orañjez war ar gartenn

Frankia ar reter eo lodenn reter Impalaeriezh Karl Veur a oa bet rannet e 843. Gant Loeiz ar German e oa degouezhet. Er rouantelezh-se edo rann reter Aostrazia gozh, Saks, Thuringen ha Bavaria.

Anvioù-lec'hioù

Buan, pa echuas amzervezh Karolingindi ar reter, e teuas Frankia ar reter da vout Germania. Ne voe miret anv ar Franked nemet er rannvroioù trevadennet da-vat ganto, en anvioù evel Frankonia ha Frankfurt (kreñvlec'h ar Franked), hag ivez en anv rouantelezh Frankia ar c'hornôg (deuet da vezañ Bro-C'hall) pa gustume ar rouaned anezhi embann an titl "rex Francorum" (roue ar Franked) bete an XIIvet kantved.

Rannidigezh

Rannet e voe Frankia ar reter e peder dugelezh:

• dugelezh Souabia (Alemania),
• Frankonia,
• dugelezh Saks
• Bavaria, enni Moravia ha Karintia). Ouzh an domanioù-se e voe staget lodennoù reter Lotaringia, war-lerc'h marv Lotar II e 869.

Padout a reas ar rannidigezh-se en Impalaeriezh santel, roman ha german, deuet diwar ar Frankia ar reter-se, betek 1268, pa echuas lignez ar re Hohenstaufen. Sellout ouzh roll an unpennoù german.

Pennadoù all

• Impalaeriezh ar C'hornog
• Roll an unpennoù german