Atlas (mitologiezh)

Herakles hag Atlas, war-dro 490–480 kent JK, Mirdi Broadel Hendraouriezh Aten.

Atlas (Ἄτλας e gregach, « an douger ») a oa un Titan, da lavarout eo un doue bihan, mab da Japet ha da d-Temis pe d'an Okeanidenn Klimene.

Breur e oa da Prometeüs, Epimeteüs ha Menoetios, Titaned eveltañ eta.

Gerdarzh

Gwelout a reer en anv ar wrizienn τλάω / tláô, « dougen, derc'hel»)

Mojenn

Tad e oa

• d'ar Pleiadezed, diwar Pleione
• d'an Hiadezed, diwar an Okeanidenn Etra
• d'an Hesperidezed, diwar Hesperis
• da Galipso (hervez Homeros da vihanañ)

Savet e oa a-du gant ar Ramzed, a-enep an Doueed, kondaonet e voe gant Zeus da zougen bolz an neñv war e chouk da viken, da virout na gouezhje war an douar.

Pa oa deuet Herakles da gerc'hat avaloù-aour liorzh an Hesperidezed e oa bet o welout Atlas da c'houlenn digantañ dont d'o c'hutuilh gantañ. Mat e oa da Atlas reiñ e skoazell, nemet goulenn a reas digant Herakles dougen an oabl en e lec'h ur pennadig.

Implij an anv

• Diwar-lerc'h e anv eo bet anvet menezieg an Atlas, e-lec'h m'emañ e chomlec'h ofisiel.
• Atlasoù a vez graet eus strobadoù kartennoù douaroniezh
• Un askorn eo an atlas ivez, ar c'hentañ eus al livenn-gein dindan ar c'hlopenn.

Skeudennoù

• 
• 
• 
• 
  Delwenn arem war ur savadur e Melbourne, en Aostralia