Moger : diforc'h etre ar stummoù
D Robot ouzhpennet: ar:جدار, lt:Atitvara |
lemel ur rummad goullo |
||
Linenn 1: | Linenn 1: | ||
[[Rummad:mañsonerezh]] |
|||
[[Rummad:tisaverezh]] |
[[Rummad:tisaverezh]] |
||
[[Rummad:tier]] |
[[Rummad:tier]] |
Stumm eus an 11 Her 2008 da 02:59
Ur voger (liester : mogerioù) a zo un dra solut savet da ober un disparti en ul lec'h. Un oberenn vañsonerezh e vez peurvuiañ, dezhi un uhelded hag ul ledanded liesseurt ha graet e c'hell bezañ gant meur a vateri (maen, prenn, brikenn, betoñs, ardilh...).
Gaet e c'hell bezañ gant mein berniet gant aket, ur voger maen sec'h eo. Met peurvuiañ e vez implijet ur strobadur (simant, pri-raz) evit delc'her ar mein pe ar blokoù betoñs asamblez. A wechoù e vez graet mogerioù unpezh gant ar betoñs.
Talvoudegezh
Er savadurioù (tiez pe savadurioù uhel) e vez savet ar mogerioù evit krouiñ ar c'hostezioù (pevar gostez peurvuiañ) hag ar pezhioù-ti e-barzh. Evit dougen ar solieroù hag an toennoù e vezont savet, nemet pa vez staget ar mogerioù-rideoz ouzh frammadur diabarzh ar savadur uhel-tre (ar skraberioù-oabl da skouer).
P'eo tanav ar mogerioù diabarzh e vez kaozh eus speurennoù e prenn, e plastr, e betoñs.
Pa vez savet mogerioù dindan an amzer e intenter lakaat un disparti etre daou spas digor ken e vez krouet un vevenn surentez war unan eus an tuioù. Evit diwall ma ne ya ket loened ha dud e lec'hioù zo e vezont savet ivez.
Savet e vez mogerioù evit bezañ gwarezet ouzh fenomennoù naturel evel an dour, an avel pe an heol pe ouzh an trouz (moger eneptrouz).
Seurtoù mogerioù
- fardell
- mogeriad
- moger dreuz
- moger enepdiruilhad-erc'h
- moger eneptrouz
- moger gêr
- moger grapadenn
- moger greñv
- moger harp
- moger-souteniñ
- moger tro
- moger zifenn
Pa ne vez graet ar voger e diabarzh un ti evit dougen, met evit rannañ pezhioù hepken e komzer eus speurenn. Neuze e vez graet gant danvez skañvoc'h eger mein, ha peurliesañ gant brikez skañv, a-wechoù plakennoù plastr etre div follenn kartoñs, anvet plakoplastr.
Mogerioù a bep seurt
Moger avez graet eus traoù damheñvel ouzh ur voger mein;
Mogerioù bras
Gerdarzh
Eus ar ger latin, maceria e teu moger. Sell ouzh magoer e gwenedeg.
- Mogeriañ ur gêr zo sevel ur voger en-dro dezhi.