Timbroù Tripolitania : diforc'h etre ar stummoù
Diverradenn ebet eus ar c'hemm |
Diverradenn ebet eus ar c'hemm |
||
Linenn 32: | Linenn 32: | ||
Gwelet : [[Timbroù Libia]] |
Gwelet : [[Timbroù Libia]] |
||
[[Rummad: |
[[Rummad:Timbroù hervez ar vro|Tripolitania, Timbroù]] |
||
[[Rummad:Tripolitania|Tripolitania, Timbroù]] |
[[Rummad:Tripolitania|Tripolitania, Timbroù]] |
||
[[Rummad:Libia|Tripolitania, Timbroù]] |
[[Rummad:Libia|Tripolitania, Timbroù]] |
Stumm eus an 24 Gwe 2008 da 22:30
Tripolitania pe Tripolitana a vez graet eus rannvro Tripoli, keoded eus kornog Libia, e hanternoz Afrika. Tiriad an Impalaeriezh Otoman e oa a-raok na kouezhfe etre daouarn an Italianed e 1911, goude ur brezel etre rouantelezh Vittorio-Emanuele III a-enep Turkia hag a echu gant sinadur Feur-Emglev Lausanne d'an 18 a viz Here 1912.
Emren eo ar vro ez-ofisiel, nemet aloubet eo mui pe vui gant an Italianed goude ar Brezel-bed kentañ. Dont a ra da vezañ un drevadenn zisheñvel diouzh Libia etre ar 26 a viz Even 1927 hag an 3 a viz Kerzu 1934. Staget e vo ouzh Libia warlerc’h.
Ac’hubet e vo gant an armeoù saoz e 1943, ha meret ar vro (ha hini Cyrenaica) gant melestradurezh ar Rouantelezh Unanet betek 1951.
Gant ar rummad gouestlet da “Brezegerezh ar Feiz” e krog e 1923 an embann timbroù evit Tripolitania gant an aotrouniezh italian. Timbroù italian soulgarget int, betek 1925.
Adalek 1926 ez eus lakaet er-maez rummadoù a-ratozh evit broioù dindan dalc’h Italia Mussolini, unan oc’h enoriñ da skouer an “Institute Coloniale Italiano” : skeudennaouiñ a ra ur vaouez roman war-sav, o tec’hel ur c’hleze en he dorn dehou hag ur pal en dorn fall.
Un toullad rummadoù evit ar post dre garr-nij zo embannet etre 1931 ha 1933. E miz Here 1934 ez eus embannet c’hwec’h timbr evit brudañ Eil Diskouezadeg Arzoù an Trevadennoù. Da c’houde e vo graet gant timbroù trevadenn italian Libia e korn-bro Tripoli.
Red an Eil Brezel-bed a gas ar Saozon da verañ Tripolitania adalek 1943.
Etre 1948 ha 1950 : emañ ar velestradurezh soudardel saoz e penn ar vro. Timbroù gant poltred ar Roue George VI soulgarget M.E.F. (“Middle East Forces” ) a zo implijet e Tripolitania, evel e Cyrenaica, Eritrea hag Etiopia da c’houlz-se.
Etre 1950 ha 1951 : ar velestradurezh nann-soudardel a embann timbroù saoz soulgarget "B A TRIPOLITANIA M A L " evit "British Administration" (Melestradurezh Breizh-Veur) ha “Military Administration Lire” (Lira ar Velestradurezh Soudardel).
E 1951, pa c’hoarvez dizalc’hidigezh Rouantelezh Libia e koll Tripolitania e bersonelezh postel.
Gwelet : Timbroù Cyrenaica Gwelet : Timbroù Fezzan Gwelet : Timbroù Libia