Vandalerezh

Vandalerezh a vez graet gant lod eus emzalc'h ar Vandaled a ziskouez un enebiezh ferv ouzh an arz hag al lennegezh, betek distruj monumantoù a-ratozh-kaer. E damm hent en istoren deus graet an termen-mañ abalamour d'an implij zo bet anezhañ gant an istorourien gristen dieubet gant Bizantion pa voe sujet ha lakaet da sklaved ar Vandaled trec'het ganto goude diskar rouantelezh "barbar" Kartago e 536; heskinet e oa bet tud an iliz roman gant ar Vandaled a oa Arianed anezho.

Restr:Bouda Bamiyan.jpg

Ur skouer a vandalerezh, unan eus Boudaoù Bamiyan bet distrujet gant an Dalibaned en Afghanistan

Deskrivadur

Dre vras e vez graet vandalerezh eus un taol gaou bet graet evit ar blijadur da noazout ouzh an nesañ. Implijet e vez an termen, da skouer, evit ober anv eus kemmoù n'int ket bet aotreet pe en enep da c'hoantoù an dud dre vras.

War ar Genrouedad

Gant diorroidigezh ar Genrouedad ez eus bet kemmet alies, hep aotre, pajennoù Web. En degouezh-mañ e vez graet gant vandalerezh evit ober anv eus emzalc'h un den a fell dezhañ noazout a-ratozh-kaer ouzh ul lec'hienn. Alies e vez graet en ur gas da benn tagadennoù bras.

Wikipedia

War Wikipedia n'eus ket kalz a vandalerezh peogwir e c'hall bezañ gwelet aes ha dizarbennet fonnus. Padal e vez muioc'h a vrezelioù embann, pa sav dizemglev etre implijerien zo war danvez ur pennad.

Lenn ivez Petra ober pa vez un taol vandalerezh war Wikipedia?

Istor

Evit doare eo bet implijet an termen-mañ evit ar wech kentañ e-pad an dispac'h gall d'an 10 Genver 1794 gant Henri Grégoire, eskob bonreizhel Bleaz, en e zanevell bet kaset d'ar Gonvañsion ma implije ar ger-se evit ober anv eus emzalc'hioù zo lu ar republik.

A-hed an istor eo bet implijet an distruj monumantoù bet savet gant ar renadoù kent da arouez ar cheñchamant galloud.

E-touez an degouezhioù vandalerezh nevez a-walc'h emañ an distruj monumantoù en Unaniezh Soviedel goude diskar ar renad ha distruj an delwennoù boudaat en Afghanistan gant an Dalibaned. Bez' emañ ivez an distruj monumantoù muzulman en ez-Yougoslavia asambles gant an dismatroù otoman o deus merket buhez ar rannved-se etre 1299 ha 1699.

E brezhoneg

Diezhomm e vez kavet ar ger vandalerezh e brezhoneg gant tud a gav ez eus trawalc'h gant ar gerioù drailh, freuz, distruj, dismantr, dic'hasterezh, difindaoniñ, pa eo deuet ar ger vandalerezh deomp diwar e implij stank e galleg ar media war-lerc'h manifestadegoù.