Lotar (roue Frankia ar C'hornôg)

Lotar (war-dro 941 Laon - 2 a viz Meurzh 986 Laon), a oa roue ar Franked, an anv a gemere rouaned Frankia ar c'hornôg, eus 954 betek 986. Lothaire de France a vez graet anezhañ e galleg: ne oa ket eus Bro-C'hall na Frañs en amzer-se.

Mab e oa da Loeiz IV Tramor, roue ar Franked, ha da c'h-Gerberga Saxe. Kurunennet e voe d'an 12 a viz Du 954 en abati Reims gant an arc'heskob Artaud. Ne fellas ket dezhañ rannañ tra gant e vreur Karl, a voe roet dugelezh Lotringen Izel dezhañ e miz Mezheven 977 gant e genderv Otton II Germania.

Gwragez ha bugale

Digant ur serc'h a vije bet c'hoar d'ar c'hont Robert, maer ar palez gant e vreur Karl Lotaringia, en doe daou vastard:

• Arnoul pe Arnould (a-raok 967 - † 1021), arc'heskob Reims
• Richarzh († goude 991)

Dimeziñ a reas da Emma Italia (Emme) (948 † 988), merc'h da Lotar Arle, hag he dije kontammet anezhañ. Daou vab o doe:

• Loeiz V roue ar Franked 967 - † 987)
• Eudes, pe Otto, chaloni e Reims (970 - † 985)