Eured

An eured (pe eureud) zo ur fest a vez graet en-dro da zimeziñ daou bried, a zo vont da vevañ er stad a briedelezh.

Disheñvel eo an euredoù hervez ar broioù, ar pobloù, ar relijionoù, ha renk an dud er gevredigezh. E broioù zo e c'hoarvez an dimeziñ hervez lezenn a-raok deiz an eured, pa vez sinet ur baperenn hervez lezenn gant an daou bried nevez.

E Breizh, hervez ar c'hiz en Europa ar c'hornôg, e vez sinet ar baperenn ofisiel en ti-kêr da zeiz an eured, ha daou dest a vez o sinañ ivez.

Ar paotr nevez a vez graet eus ar paotr o timeziñ, ar plac'h nevez eus danvez e wreg. An dud nevez a vez graet eus an daou bried.

Div lodenn a vez en eured eta:

• an dimeziñ, al lid a vez graet
  • gant ur beleg er c'hevredigezhioù pe meteier relijiel
  • gant un den diveleg a-raok, pe war-lerc'h al lid relijiel, pe en e lec'h.

• ar pred eured (anvet friko e Kerne-Izel) hag an diduamantoù a ya da-heul.

Eureudiñ e brezhoneg

• Gallout a ra ar re a c'houlenn, ma anavezont ur c'huzulier-kêr a zo brezhoneger a-walc'h, bezañ dimezet e brezhoneg, da lavarout eo klevout ur gaoz ofisiel e brezhoneg. An traoù sirius avat, ar paperioù, ne vezont nemet e galleg.

• Gallout a reer eureujiñ e brezhoneg en iliz ivez, ma kaver ur beleg a oar brezhoneg, rak rouez int deuet da vezañ.

Euredoù a bep seurt

• Pa veze un intañv pe un intañvez oc'h addimeziñ e veze graet cholori gwechall.

Restr:Gaywedding4.jpg

Eured heñvelrevidi. E broioù zo e vez dimezet paotred etreze pe plac'hed etreze.