Strollad Republikan (Stadoù-Unanet)

Logo ar Strollad Republikan stadunanat.

Arouez ar Strollad Republikan eo an olifant.

Ar Strollad Republikan (Republican Party), anvet ivez GOP (evit Grand Old Party, Strollad meur kozh), a zo unan eus an daou strollad politikel brasañ a zo e Stadoù-Unanet Amerika e-kichen ar Strollad Demokratel. Frankizour e oa ar strollad en XIX^vetkantved met eus ar gostezenn "mirour" eo bremañ. E arouez eo an olifant hag e liv ar ruz.

Diazez ar voterien

Ar gartenn-mañ a ziskouez, kontelezh ha kontelezh, disoc'hoù ar votadeg evit ar prezidant e 2004. Gwelet a reer mat eo ruz (republikan) an darn vrasañ eus ar gartenn. Kement-se a ziskouez eo diazezet ar vot republikan war ar maez dreist-holl, pa'z eo glas (demokratel) ar c'hêrioù bras. N'eo ket gwir avat evit Bro-Saoz Nevez hag aod ar Meurvor Habask, ar "Black Belt" — e-lec'h ma'z eus kalz a Afroamerikaned o chom –, al lec'hioù ma'z eus kalz a Amerindianed o vevañ, hag al lec'hioù eus ar mervent gant tud a orin eus Amerika Latin.

Ar brezidanted republikan

Gwelet ivez ar pennad Prezidant Stadoù-Unanet Amerika

• Abraham Lincoln, 1861-1865 (Brezel diabarzh SUA ha torridigezh ar sklaverezh)
• Ulysses S. Grant, 1869-1877
• Rutherford Hayes, 1877-1881
• James Garfield, 1881
• Chester A. Arthur, 1881-1885
• Benjamin Harrison, 1889-1893
• William McKinley, 1897-1901
• Theodore Roosevelt, 1901-1909
• William Taft, 1909-1913
• Warren G. Harding, 1921-1923
• Calvin Coolidge, 1923-1929
• Herbert Hoover, 1929-1933
• Dwight D. Eisenhower, 1953-1961
• Richard Nixon, 1969-1974
• Gerald Ford, 1974-1977
• Ronald Reagan, 1981-1989
• George H. W. Bush, 1989-1993 (Brezel ar Pleg-mor)
• George W. Bush, 2001-2009 (Brezel Irak)
• Donald Trump, 2017-2021

Liammoù diavaez

• Lec'hienn ofisiel