Skalier

Krogit e-barzh !
Un danvez pennad eo ar pennad-mañ ha labour zo d'ober c'hoazh a-raok e beurechuiñ.
Gallout a rit skoazellañ Wikipedia dre glokaat anezhañ. 

Skalieroù Brelevenez (Lannuon)

Skalier diavaez e Venezia, Italia.

Ur skalier zo ur seurt savadur bihan, pe savadenn vihan, en un ti pe ouzh un ti peurliesañ. Skalieroù a vez ivez er c'hêrioù a-wechoù pe war ar maez a-wechoùigoù, hag a zo graet evit pignat d'ul lec'h uheloc'h, pe diskenn izeloc'h. Alies e vez lavaret un diri ivez (dirioù neuze el liester), pe ur viñs zoken.

Evit rannañ an dremenadenn etre frapadigoù e vez lakaet un heuliad pazennoù, pep hini lakaet uheloc'h eget eben betek al live uhelañ hag evel-se ne vez nemet ur c'hammedig d'ober evit pignat pe diskenn bep tro. Pep pazenn a vez lakaet war div zousennad santimetroù uheloc'h peurvuiañ.
E prenn pe e maen pe e metal pe e simant pe e gwer e c'hell bezañ graet an dirioù. Koulskoude e c'heller krediñ eo bet ijinet an dirioù dre doullañ pazennoù war douar an diribinoù evel ma vez graet e lec'hioù meneziek zo. Kavet e vez dirioù toullet er c'herreg ivez. Stumm kozh an dirioù fardet a zo bet ar skeul ivez, homañ e prenn peurvuiañ.

Meur a stumm a zo d'an dirioù : eeun, rodellet, troidellet (anvet biñs neuze), darn o devez kornioù.

Skalieroù bras e kêrioù Breizh

• e Brest evit diskenn d'ar porzh
• e skolaj Anna Vreizh e Roazhon : dor ar skol en traoñ, kant pazenn da vont betek an ti-skol en nec'h.

Geriaoueg

• biñs
• derez
• diri
• paz, pazenn
• pondalez
• skramp

Kanaouenn

E Pardon Kolloreg e kaner:

• An deiz-all ha me oa bet e pardon Koloreg Me 'm'a gwelet ma mestrez war skalier ar vered.

Skeudennoù

• 
  Skalier an impalaer er Residenz e München, e Bavaria
• 
  Skalier c'hoariva e Weißenhorn, en Alamagn
• 
  Er Porta Garibaldi, e Milano, en Italia
• 
  Wały Chrobrego e Stetino, e Pologn
• 
  Ar Montagne de Bueren e Liège.
• 
  Ar Butte du Lion e Waterloo.
• 
  Skalier hag iliz-veur Auch.
• 
  Piazza di Spagna e Roma: ar skalieroù dirak an iliz Trinità dei Monti
• 
  Piazza di Spagna e Roma: ar skalieroù a gas d'an iliz Trinità dei Monti
• 
  Escalier de l'Atlante, e Pont-à-Mousson
• 
  Skalier gwechall e kastell Versailhez, distrujet bremañ.
• 
  Skalierig gant pazennoù bihan e Moskeenn Veur Kairouan.
• 
  Skalier Bramante er Vatikan.]]
• 
  Skalier diavaez, benet er roc'h, e Collaroy Plateau, e Sydney, Aostralia .
• 
  Dirioù Potemkin, 142 m o hed, en Odessa (savet etre 1834 ha 1841), brudet gant ar film Al lestr-brezel Potemkin renet gant Sergei Eisenstein (1925).
• 
  En un ti