Improvised Explosive Device

Ur c'harbed Cougar stadunanat bet tapet gant tarzhadenn un ardivink-tarzh primaozet en Irak e 2007.

Tarzhadenn un IED en Irak e 2007.

Ur soudard stadunanat a-us d'un ardivink-tarzh primaozet en Irak.

Un improvised explosive device berraet e IED (Brezhoneg: Ardivink-Tarzh Primaozet) a vez graet eus ur vombezenn savet hag implijet e doareoù amreizh e-keñver gwir ar brezel pe an implijoù milourel boas. Gellout a reer sevel un ardivink-tarzh primaozet pe dre un doare milourel boas (un obuzenn) koublet gant un tarzher pe dre un doare amreoliek gant produioù kimiek. Darn eus an IED-où a vez implijet evel bombezennoù bordoù-hent. An ardivinkoù-tarzh primaozet a vez implijet e-pad emgannoù ha brezelioù sponterezh kreñv pe stourmoù disimetrek doare guerrilla pe o welet nerzhioù kommando war an dachenn emgann.

Na Trioblóidí/ Brezel Norzhiwerzhon

Ur robot Wheelbarrow enep-IED e straedoù Norzhiwerzhon e 1978.

E-pad mare an Troubles (1968-1998) e oa bet implijet kalz an ardivinkoù-tarzh primaozet gant ar Provisional Irish Republican Army. Implijet e oa bet ganto mortarioù ha bombezennoù meret primaoazet. Izili an IRA gant an amzer o redek a oa bet o sevel kadoniezhoù nevez kement ha doareoù sevel arbenikaet muioc'h-mui evit ar vombezennoù (oc'h implij minennoù da skouer). Bombezennoù an IRA a implije ivez spanaeroù merkur pe micro switch, ar pal a oa e tarzhfe ar vombezennoù ma veze klasket fiñval anezho dre nep doare. Boaz e oa implijet munutennerien kegin gant 60 munutenn amzer a-raok an tarzh ur wech enaout an IED evit ma vefe amzer gant izili an IRA da derc'hout pell. Ouzhpenn ar vunuterienn-se e oa lakaet e-plas ardivinkoù enep-fiñv.