Judit ha Holofern (arz)

Judit gant penn Holofern zo anv meur a daolenn, oberennoù eus mare an Azginivelezh italian dreist-holl, a zo bet awenet gant ur vojenn eus an Testamant Kozh.

Ar vojenn

Gwelout ar pennad Judit ha Holofern.

An taolennoù

Livadur Caravaggio

Judit o tibennañ Holofern, gant Caravaggio.

Caravaggio an hini kentañ en deus kredet livañ ar muntr. Evezh a daoler ouzh genoù heuget Judit, intañvez yaouank, ha tres drouk he matezh, ur wrac'h roufennet ha dizant anezhi.

Livadurioù Artemisia Gentileschi

Judit o tibennañ Holofern (1612-21), eoullivadur war lien 199 x 162 cm, gant Artemisia Gentileschi, Galleria degli Uffizi, Firenze.

Judit o tibennañ Holofern eoullivadur gant Artemisia Gentileschi, Capo di Monte

Judit o tibennañ Holofern, gant Artemisia Gentileschi (1612-21), a zo div daolenn damheñvel gant al livourez italian. Souezhet e veze meur a hini o welout e oa deuet ur plac'h a-benn da livañ un darvoud ken kriz. Hervez an arzvarnourien e c'haller gwelet konnar an arzourez ouzh ar gwaz en devoa he gwallet. Levezonet-kaer e oa-hi gant doare-livañ Caravaggio.

• • An eil zo war ziskouez er Galleria degli Uffizi, e Firenze.
  • Eben, ma weler muioc'h a wad war ar gwele, a zo war ziskouez e Capo di Monte. Disheñvel eo an dilhad hag ar sklerijenn ivez.

Taolennoù Sandro Botticelli

Gant Sandro Botticelli ez eus bet livet teir zaolenn awenet gant ar vojenn:

• Il ritorno di Giuditta a Betulia (Distro Judit da Vetulia), 1470, Galleria degli Uffizi, Firenze.
• Dizoloadur muntr Holofern, war-dro 1472, Galleria degli Uffizi, Firenze.
• Judith o kuitaat teltenn Holofern, 1495-1500, Rijksmuseum, Amsterdam.

Gwelout Judit (Botticelli) .

Taolennoù all

Judit gant penn Holofern, livet gant Lucas Cranach kozh.

Judit ha Holofern, gant Paolo Veronese.

Judit ha Holofern (munudig), murlivadur gant Michelangelo er Chapel sikstinat er Vatikan (1509).

Judit gant penn Holofern, livet gant Fede Galizia, 1596

Mar deo ral gwelout Judit o lazhañ e weler anezhi aliesoc'h o tougen penn ar jeneral enebour, pa ne lez ket he matezh da zougen anezhañ. Alies ivez e vez ur c'hleze ganti.

XVvet kantved

• Andrea Mantegna, Judit ha Holofern , 1495, National Gallery of Art, Washington.

XVIvet kantved

• E taolenn Giorgione, Judit, 1502, Mirdi ar Peniti, e Sankt Peterbourg e Rusia, e weler Judit o lakaat he zroad war benn Holofern.
• Gant Michelangelo ivez eo bet livet mojenn Judit ha Holofern ouzh lein ar Chapel sikstinat er Vatikan e 1509.
• Gant Vincenzo Catena, e 1520

• Lucas Cranach an Henañ en deus graet teir zaolenn, war-dro 1530, ma weler Judit o terc'hel ur c'hleze e-kichen penn Holofern.
  • Gwelout Judit (Cranach).

• E 1554 , e taolenn Giorgio Vasari, emañ an harozez o sevel he c'hleze a-us da benn Holofern.
• Jan Massijs , war-dro 1570.‎
• Tizian, Judit, 1565, (112 x 96 cm), Detroit Institute of Art.
• Paolo Veronese, Judit ha Holofern, 1580. Emañ al livadur e Kunsthistorisches Museum Vienna.
• Fede Galizia (1578-1630). Taolenn eus 1596. Dremm an arzourez e vije hini Judit.
• Gant Ambrosius Benson.

XVIIvet kantved

Meur a wech e voe livet istor Judit er c'hantved-se ivez.

Lavinia Fontana

Div daolenn zo anavezet gant Lavinia Fontana

• 
• 

Artemisia Gentileschi

Teir zaolenn zo gant Artemisia Gentileschi: div damheñvel, meneget uheloc'h, ma weler Judit da vat o tibennañ an ofiser, hag unan all ma he gweler o tougen ar penn en ur baner.

Judit hag he matezh , livet gant Artemisia Gentileschi, 1612-1613

Simon Vouet

• Div daolenn zo anavezet gant Simon Vouet:
  • unan teñval al livioù anezhi, glas ha du dreist-holl, a weler en Alte Pinakothek, e München, e Bavaria;
  • hag unan sklaeroc'h, ruz ha melen kentoc'h, a zo e Kunsthistorisches Museum Vienna, en Aostria

Livourien arall

Judit ha penn Holofern, livet gant Cristofano Allori (1613). Penn al livour eo a vefe e dorn ar vaouez, e bried-kleiz a-hervez.

• Giuseppe Cesari, Judit gant penn Holofern, 1605-10, Berkeley Art Museum, Skol-veur Kalifornia.
• Giovanni Baglione, Judit gant penn Holofern, 1608, Galleria Borghese, Roma.
• Cristofano Allori, e 1613: emañ serc'h an arzour o terc'hel e benn war-bouez e vlev. Buhez an arzour gwelet gantañ? Div daolenn zo: unan e-kichen Londrez (Royal Collection, Windsor), unan all e Firenze, er Palez Pitti.
• Un daolenn gant Carlo Saraceni e 1615
• Pieter Pauwel Rubens, Judit gant penn Holofern, war-dro 1616, Mirdi Herzog Ulrich Anton, Braunschweig.
• Orazio Gentileschi, taolenn eus 1621-24, hiziv e Hartford, Connecticut, SUA.
• Valentin de Boulogne, Judit ha Holofern, war-dro 1626, National Museum of Fine Arts, La Vallette.
• Francesco Furini, Judit ha Holofern, 1636, Galleria Nazionale d'Arte Antica, Roma.
• Elisabetta Sirani (1638-1665).

Livadurioù all

• 
  Gant Andrea Mantegna
• 
  Gant Giorgione
• 
  Gant Paolo Veronese
• 
  Gant Vincenzo Catena
• 
  Judit hag he matezh gant penn Holofern, livet gant Orazio Gentileschi
• 
  Gant Lavinia Fontana
• 
  Taolenn Giovanni Baglione
• 
  Gant Carlo Saraceni
• 
  Judit gant penn Holofernes, 1658

XVIIIvet kantved

• Div daolenn gant Luca Giordano,
  • Judit o tiskouez penn Holofern, e mirdi Saint Louis, Missouri.
  • Korf Holofern kavet en e deltenn
• Un daolenn gant Giulia Lama, Judit gant penn Holofern, war-dro 1730, Gallerie dell'Accademia, Venezia.

• 
  Judit o tiskouez penn Holofern, gant Luca Giordano.
• 
  Korf Holofern kavet en e deltenn, gant Luca Giordano.
• 
  Giulia Lama

XIXvet kantved

Taolennoù zo ivez gant al livourien-mañ:

• Francisco de Goya, war-dro 1819
• Horace Vernet
• August Riedel, e 1840
• Un daolenn gant Emanoil Panaiteanu Bardasare, heñvel ouzh hini Riedel.

• 
  Goya, 1819
• 
  Taolenn gant Horace Vernet
• 
  August Riedel , 1840
• 
  Emanoil Panaiteanu Bardasare

XXvet kantved

• Gustav Klimt en deus livet Judit gant penn Holofern ivez e 1901.

Judith ha penn Holofern, 1901. Belvedere, Vienna.

Judit II (Salome), gant Gustav Klimt.

• Div daolenn zo gant Franz von Stuck

• Judit, gant al livour gall Paul Albert Steck, 19??.

• 
  Franz von Stuck: Judit a-raok skeiñ.
• 
  Franz von Stuck:Judit o skeiñ.

Delwennoù

• Donatello, Judit ha Holofern , 1455-60, Delwenn arem, Palazzo Vecchio, Firenze.

Mojenn dost

Tostaat a c'haller al livadurioù-se ouzh ar re ma weler pe o troc'hañ penn Yann ar Badezour pe o tiskouez e benn war ur plad war c'houlenn Salome, evel e taolennoù Caravaggio: gant an daou vuntr e oa bet awenet. Ouzhpenn se ez eus un daolenn all gantañ ma weler David o tibennañ Goliat.

• Gustav Klimt ivez en deus anvet e eil daolenn diwar-benn mojenn Judit: Judit II (Salome), o veskañ an div vojenn.