Friederike von Hessen-Darmstadt (1752–1782)

Ur pennad Friederike von Hessen-Darmstadt zo ivez.

Friederike Caroline Luise von Hessen-Darmstadt

An Dug Karl II, Dug Mecklenburg-Strelitz, pried da Friedrike

Friederike Caroline Luise von Hessen-Darmstadt (1752-1782 Hannover) a oa dugez Mecklenburg-Strelitz, mamm d'ar Rouanez Luise.

He buhez

Friederike a oa merc'h da Georg Wilhelm von Hessen-Darmstadt (1722–1782) ha d'e bried Maria Luise Albertine zu Leiningen-Dagsburg-Falkenburg (1729–1818). He zad a oa mab da Ludwig VIII von Hessen-Darmstadt, ha d'ar gontez Maria Louise Albertine von Leiningen-Falkenburg-Dagsburg; he mamm a oa merc'h d'ar c'hont Christian Karl Reinhard von Leiningen-Dagsburg.

Dimeziñ a eure da 16 vloaz, e 1768, e kêr Darmstadt, da Karl II, Dug Mecklenburg-Strelitz (1741–1816), unnek vloaz koshoc'h egeti. Hennezh a oa gouarnour rouantelezh Hannover evit e vreur-kaer George III, a oa roue Bro-Saoz ha roue Hannover war un dro.

He bugale

Dek bugel he deus bet:

• Charlotte (1769-1818), priñsez Sachsen-Hildburghausen;
• Karoline Auguste (1771-1773)
• Georg Karl Friedrich (1772-1773)
• Therese ( 1773-1839), priñsez Thurn ha Taxis
• Friedrich Georg Karl (1775- 1775)
• Luise von Mecklenburg-Strelitz (1776- 1810), rouanez Prusia,
• Friederike von Mecklenburg-Strelitz (1778- 1841), rouanez Hannover
• Georg (1779-1860), dug-meur Mecklenburg-Strelitz
• Friedrich Karl Ferdinand ( 1781-1783)
• Augusta Albertina (1782-1782)

Brudet e oa kened he feder merc'h, Charlotte, Therese, Luise, ha Friederike.

He marv

Mervel a eure e Hannover, da 30 vloaz, goude ur gwilioud poanius ma varvas ar bugel.
He c'hoar Charlotte von Hessen-Darmstadt (1755–1785) a zimezas d'an intañv daou vloaz goude, e 1784, hag a varvas evelti da 30 vloaz, 2 vloaz goude, er gwentloù.

En 1794 e voe anvet he fried da zug Mecklenburg-Strelitz , evel Karl II, hag e 1815, e Kendalc'h Vienna, e voe anvet da zug-meur.

Poltredoù

• 
  He merc'h Charlotte
• 
  He merc'h Therese
• 
  He merc'h Luise
• 
  He merc'h Friederike