Intañv

Taj Mahal, ur monumant savet gant un intañv da unan eus e wragez.

Monumant d'an intañvezed brezel e Bro-Japan.

Anna Maria Luisa de’ Medici als trauernde Witwe, gant Jan Frans van Douven, 1717

Un intañv zo ur pried a zo marvet e wreg, un intañvez zo ur bried a zo marvet he gwaz. Komz a reer eus intañvded, intañvegezh, intañvelezh pa gomzer eus o stad.

Intañviñ a ra ur gwaz, intañvezañ a ra ur wreg, pa varv o fried.

Intañvezañ

An tiegezhioù ma varve an tad a golle an tu da gaout o bara. Marv an tad a gase an intañvezed hag o bugale da glask o bara alies, evel a weler el levr Bilzig.

Brud fall a c'halle bezañ ivez war an intañvezed, dreist-holl ar re yaouank, ha barnet kriz e veze, er gevredigezh kozh, an doare ma vevent.

En Indez e oa ar c'hiz d'an intañvezed mervel en tan da vare obidoù o gwaz, en desped dezho peurvuiañ evel-just. Gwelout a reer haroz levr Jules Verne Le Tour du Monde en 80 jours o saveteiñ un intañvez yaouank eus an tan.

El lennegezh

• Er gontadenn Kroc'hen Azen e weler un tad intañv a fell dezhañ dimeziñ d'e verc'h.
• An Intañvez yaouank, fablenn.

Intañvien brudet

• Shah Jahan, an impalaer a lakaas sevel an Taj Mahal.
• Herri VIII, roue Bro-Saoz, zo bet dimezet 6 gwech, intañv 3 gwech, goude dibennet div wreg dezhañ.

Intañvezed brudet

• Boudika, rouanez vrezhon
• Anna Vreizh, dugez Breizh
• ar rouanez saoz Victoria

Pennadoù kar

• intañvez du

Intañvien hag intañvezed

• 
  Shah Jahan, an impalaer intañv a lakaas sevel an Taj Mahal.
• 
  Antoinette d'Orléans
• 
  Poltred ur vaouez gant ul levr, Marie Wiegmann, 1864.
• 
  Valentina Visconti, gant Fleury François Richard (1777 -1852)
• 
  Fernando VII, roue Spagn, teir gwech intañv, a laoskas un intañvez war e lerc'h.