Padrig (sant)

Sant Padrig

Gouel Sant Padrig e Buenos Aires (Arc'hantina).

Padrig , pe Maewyn Succat (war-dro 385-461), zo ur sant brezhon ha roman, avielour ha sant broadel Iwerzhon. Lidet e vez d'ar 17 a viz Meurzh e kement bro ma'z eus Iwerzhoniz war an douar.

Istor

Ganet e vije Maewyn Succat en un tiegezh brezhon ha roman war-dro 385 e Bannaven Taberniae (pe Banna Venta Berniae), nepell diouzh Carlisle, hiriv en Cumbria.

E dad e oa Calpurnius, a laboure er velestradurezh, da zastum arc'hant an tailhoù, hag a oa diagon. Beleg e oa e dad-kozh. E vamm-gozh a deue eus Galia, eus kostez Teurgn, ha kar e oa da Martinus Teurgn.

En 405, hervez ar vojenn, pa oa en e 16 vloaz, e voe skrapet Maewyn Succat gant morlaeron iwerzhonat, ha Niall « e nav gouestlad» a oa unan anezho, hag a werzhas anezhañ evel sklav. E-pad c'hwec'h vloaz e voe bac'het en ur gaoued e-kichen koad Fochoill, en Kontelezh Maigh Eo. Mesaer e oa evit ur penntiern iwerzhonat. Neuze eo e kavas Doue.

Levrlennadur

• Saint Patrick, Confession et Lettre à Coroticus, texte latin, traduction et notes de R. P. C. Hanson et C. Blanc, Paris, Cerf, Collection « Sources chrétiennes », n° 249, 1978, 216 p. (ISBN 9782204012775)
• Sant Padrig ("Confessio" ha "Lizer da Coroticus", troet diwar al latin e brezhoneg gant Biel Cabon, hag e galleg gant Saik Falc'hun), emb. Minihi Levenez, 1989, 64 p. (levr divyezhek) Lenn enlinenn, war Levraoueg niverekaet eskopti Kemper ha Leon