Stadoù-Meur (1789)

Taolenn Ouverture des États généraux à Versailles, 5 mai 1789 gant Auguste Couder, 1839, Mirdi Istor Bro-C'hall (Versailles).

Stadoù-Meur 1789 (Les États généraux de 1789) a voe un emvod meur gant kannaded tri urzh ar gevredigezh eus rouantelezh Bro-C'hall a voe galvet gant Roue Bro-C'hall ha Navarre, Loeiz XVI, d'ar 24 a viz Genver 1789.

1 200 kannad a voe dilennet eus ar vroioù dilenn, hervez reolenn hollek ar 24 a viz Genver 1789 gant an taolennoù ouzhpennadur, hag er vroioù stad hervez o reolennoù dibar.

Goude ma voe doublet an niver a gadorioù evit kannaded an Trede Urzh, lakaet da dalvezout adal ar 27 a viz Kerzu 1788 dre lezenn, ha goude ma voe nac'het gant kannaded an noblañs eus Breizh da vont eno, deputeed an Trede Urzh a voe ar re niverushañ.

Digoret e voe an emvod d'ar 5 a viz Mae 1789, dre un abadenn tonius aozet gant mestr-meur al lidoù eus Bro-C'hall Henri-Évrard marquis de Dreux-Brézé, en ur sal da c'hortoz a oa bet savet buan-ha-buan gant an tisavour Pierre-Adrien Pâris. Lec'hiet e oa ar sal a-dreñv ar savadur hôtel des Menus-Plaisirs bali de Paris.

An deiz a-raok, ar 4 a viz Mae, an deputeed a oa erruet dija e Versailles o devoa kemeret perzh en ul lidambroug lesanvet hini ar sakramant santel, eus Iliz-veur Notre-Dame betek Iliz Sant-Loeiz.