Lizher da Ditoz : diforc'h etre ar stummoù
Diverradenn ebet eus ar c'hemm |
Diverradenn ebet eus ar c'hemm |
||
Linenn 1: | Linenn 1: | ||
'''Al lizher da Ditoz''' ([[Sant Titus | Titus]] e anv latin) zo anezhañ unan eus skridoù an [[Testamant Nevez]] en embannadur [[Maodez Glanndour]] e ti |
'''Al lizher da Ditoz''' ([[Sant Titus | Titus]] e anv latin) zo anezhañ unan eus skridoù an [[Testamant Nevez]] en embannadur brezhonek [[Maodez Glanndour]] e ti [[Al Liamm]] e 1971. |
||
==Lizher an abostol== |
==Lizher an abostol== |
Stumm eus an 9 Eos 2016 da 21:25
Al lizher da Ditoz ( Titus e anv latin) zo anezhañ unan eus skridoù an Testamant Nevez en embannadur brezhonek Maodez Glanndour e ti Al Liamm e 1971.
Lizher an abostol
Bez' ez eo unan eus an tri lizher skrivet gant Paol Tars hag a vez lakaet e rummad al « lizheroù pastorel », a-gevret gant an daou lizher da Dimozeoz.
Skrivet e vefe bet e Makedonia e-kerzh ur veaj dre Greta (gant Titoz), Azia-Vihanañ, Makedonia ha Gres war-dro ar bloavezh 65[1] goude bezañ bet tremenet daou vloavezh en toull-bac'h e Roma (61-63, hervez La Bible de Jérusalem, pe e 60-62 hervez Maodez Glanndour).
Titoz ha Timozeoz a oa e-touez diskibled fealañ an abostol. Titoz a zeue eus ar baganiezh.
Setu ar pezh a skriv Maodez Glanndour a-zivout an tri lizher pastorel :
« Amañ hon eus un ton distegn ha dibompad, hini un den krog da gozhañ o skrivañ da ziskibled ha kenlabourerion garet. Santout a ra ar maro o tont, hag e plijfe dezhañ o startaat en o feiz hag en o c'harg a bastored. Derc'hel d'ar gelennadurezh bet resevet, diwall diouzh an disivouderion, gouzout eo an Iliz pobl Doue bet glanaet gant gwad ar C'hrist, Doue gwirion, ha den gwirion, en deus roet e vuhez evel sakrifis a aspren; ha santelaet dre nerzh ar Spered Santel, a labour en eneoù er fideled, hon eus da veuliñ an Tad a drugarez peurbadel a c'halv a holl dud d'ar silvidigezh... »[2]
Arouezius eo an tri lizher eus stad aozadur an Iliz e dibenn mare an ebestel : « El lizheroù-mañ, evel en Oberoù an Ebestel, ar gerioù Episkopoz (eskob) ha Prebiter (henaour, beleg) n'o deus ket c'hoazh talvoudegezhioù disheñvel, evel m'o devo un tammig diwezhatoc'h […] E penn pep Iliz ez eus ur strollad renerion eskibion-presbiterion. A-us dezho avat e chom an abostol en deus diazezet en Iliz : hag hemañ a ren warno drezañ e-unan pe dre e gannaded. Sed ar pezh a welomp amañ evel en Oberoù : Timozeoz ha Titoz a zo karget gant Paol da eveshaat ha da c'houarn ar c'humuniezhioù en ano Paol, da envel ar bresbiterion , da virout an urzh vat... »[2]
Kemmet e voe an traoù a-c'houde marv an ebestel hag o c'hannaded.
Notennoù ha daveennoù
- ↑ (fr) La Sainte Bible, Cerf, 1961, p. 1488.
- ↑ 2,0 ha2,1 (br) Maodez Glandour, "Digoradur da Lizheroù Sant Paol", eil levrenn troidigezh an Testamant Nevez, Al Liamm, 1971, p. 356;