O. Henry

O. Henry

O. Henry eo anv-pluenn ar skrivagner stadunanat William Sydney Porter (1862 – 1910). Ganet eo William Sydney Porter e Greensboro, e North Carolina. Mab e oa d'ar medisin Algernon Sidney Porter. Mervel a reas e vamm digantañ pa ne oa ken nemet tri bloaz. Savet e voe gant e vamm-gozh a-berzh tad hag e dintin. Lenn kalz a rae ar bugel met kuitaat a reas ar skol da 15 vloaz. Mont a reas da d-Texas da chom ha d'ober e Yann mil micher : apotiker, kazetenner, kazetenner, implijad-bank. Pa oa deuet da Austin, kêr-benn Texas, da chom, setu eñ dimezet en 1882. En 1884 e krogas d'ober war-dro ur gronikenn fentus anvet The rolling stone. Labour a gavas gant an Houston Post evel kazetenner ha kroniker. En 1887 e oa o labourat en ur bank ha tamallet e voe dezhañ sachañ arc'hant eus ar bank da lakaat en e c'hodell.

E 1901 e voe divac'het e Columbus, en Ohio, goude tri bloaz er vac'h. Eno e voe roet dezhañ al lesanv a deuas da vout e anv-pluenn.

Gantañ eo bet ijinet an droienn Republik ar Bananez.