Je suis Charlie

Skeudenn Je suis Charlie, skignet en linenn hag implijet er manifestadegoù.

Je suis Charlie (« me zo Charlie ») zo ur frazenn c'hallek savet gant Joachim Roncin, rener arzel Stylist, ur gelaouenn c'hallek evit ar merc'hed, goude klevout keloù eus lazhadeg ar merc'her 7 a viz Genver 2014 e burevioù Charlie Hebdo e Pariz, kêr-benn Bro-C'hall . Buan eo deuet da vezañ ur slogan.

Istor ar grouadenn

Ouzh e urzhiataer e oa Joachim Roncin, 39 bloaz dezhañ, o labourat, pa glevas anv eus an darvoud. Strafuilhet e oa.

C'hoant en doa da lakaat gerioù war an euzh-se met ne ouie ket petra lavarout. Klask a reas « Charlie Hebdo » e-barzh Google Images, ha gwelout a reas skeudennoù ha tresadennoù... ha soñjal a reas e oa skeudennoù a anaveze abaoe e yaouankiz ha fromet e voe oc'h adwelout kement-se. Hag e soñjas: Charlie c’est moi, je suis Charlie. (Me eo Charlie, me zo Charlie). Neuze e savas al logo en ur ober un hantereur, ha skignet dre Twitter.

Adalek neuze e voe skignet a bep tu, ha ne oa ket dezhañ ken peogwir n'en doa krog ebet ken war e grouadenn. Moulet eo bet ar gerioù war baper ha douget er manifestadegoù zo bet en ur bern broioù er bed, e New York koulz hag e Moskou.

Lavarout a ra en doa soñjet ivez el levr gallek Où est Charlie ? (troet diwar al levr saoznek Where's Wally? ) en deus bet lennet gant e vab, hag er slogan gallek « Nous sommes tous Américains » da goulz gwalldaolioù an 11 a viz Gwengolo 2001.

Kenwerzh

Adkemeret eo bet gant stalioù a werzh rochedoù ha chopinoù war ar Genrouedad.

Adstummoù

• « Nous sommes tous Charlie » a zo implijet gant ar Société de journalistes français ha Reporters sans frontières.

• « I am Charlie » zo bet implijet e saozneg .
• Tud zo o deus implijet ar skritelloù brezhonek Charlie on, me zo Charlie, Charlie zo ac'hanon.

• Ar slogan Je ne suis pas Charlie, zo bet implijet gant tud all ivez
  • gant Jean-Marie Le Pen dre ma ne oa ket a-du gant ar gelaouenn, daoust ma embann bout enep ar gwalldaol, ha dre vras gant tud a rebech ouzh ar gelaouenn letaat ar relijionoù

• Al lugan je suis Charlie Martel a vez implijet gant ar vroadelourien c'hall.

• Gant ar re islamisted a-du gant ar gwalldaolioù e vez implijet luganioù doare #JeSuisKouachi adal anv an daou vreur a sevenas an dagadenn (Lugan war Twitter)

Manifestadegoù

E Breizh

• e Brest
• e Dinarzh
• e Gwengamp
• e Kemper
• e Landerne
• e Naoned
• e Redon
• e Roazhon

E Bro-C'hall

E kêrioù brasañ ar vro:

• Pariz,
• Strassburg,
• Toloza

E broioù all

• en Istanbul
• e Montréal

Skeudennoù

• 
  Manifestadeg e Brusel, d'ar 7 a viz Genver 2015, en koun al lazhadeg e ti Charlie Hebdo.
• 
  Je suis Charlie. Strasbourg, d'ar 7 a viz Genver 2015,
• 
  Je suis Charlie. Montréal, d'ar 7 a viz Genver 2015,
• Je suis Charlie. Toulouse, d'ar 7 a viz Genver 2015,
  Je suis Charlie. Toulouse, d'ar 7 a viz Genver 2015,
• 
  Je suis Charlie, skritel gant anvioù an 12 den lazhet.
• 
  Manifestadeg en Istanbul d'an 8 a viz Genver 2015.
• 
  Manifestadeg e Reims d'an 8 a viz Genver 2015, .

Manifestadeg e Brusel, d'ar 7 a viz Genver 2015 en enor d'an dud lazhet.

Ster

Je suis Charlie a dalvez « A-unan on gant an dud lazhet e ti Charlie Hebdo », evel ma veze lavaret « Holl omp Amerikaned  » goude gwalldaolioù an 11 a viz gwengolo 2001. E gwirionez e tenn d'ar bomm Ich bin ein Berliner (« Berlinad on  ») distaget gant John Fitzgerald Kennedy e Berlin, d'ar 26 a viz Mezheven 1963,da geñver blokus Berlin.