Pêr Bourdellez

Pêr Bourdellez, ganet d'ar 17 a viz Du 1907 e Belleger (Servel), ha marvet e Gwareg d'ar 24 a viz Gouhere 1989, a oa beleg, kelenner italianeg, skrivagner hag emsaver.

Kelenner eo bet war an italianeg e Skolaj Sant-Jozef Lannuon ha war ar brezhoneg er skol intron-Varia Gampostal e Rostrenenn. E fin e vuhez e oa aluzener e kouent Gwareg.

Gant Edouard Ollivro, eus Louaneg, ha kelenner istor er skolioù-stad a-raok bezañ politiker, en doa krouet ar GEES, bodadoù-studi an ekonomiezh er skolioù.

Skrivet en deus pennadoù diwar-benn an istor hag an ekonomiezh e brezhoneg, ha troet skridoù italianek.

Troidigezhioù

-diwar an italianeg

• Dante Alighieri, An Divina Commedia. Imbourc'h, 1977.
• Danvez-priedoù, gant Alessandro Manzoni, Mouladurioù Hor Yezh, 1986,

-diwar ar saozneg:

• Kêr al loened (lodenn gentañ), gant George Orwell, embannet er gazetenn Al Liamm, niv. 152, Mae-Mezheven 1972.
• Ar c'hleier (The Bells), ur varzhoneg gant Edgar Allan Poe, embannet en dastumad Edgar Poe troet gant Per Denez, Hor Yezh, 1995.