Servel

Servel (distaget: [ˈzerwɛl] er vro) a zo ur gumun gozh a Vreizh. Ul lodenn eus Lannuon (Bro-Dreger - Aodoù-an-Arvor) eo bremañ. Belleger a zo ur c'harter anezhi.

Istor

• Kavet e vije bet tiez koshañ Breizh eno hag a savje da -4800 vloaz a-raok JK, en neolitik koshañ.

Krennamzer

• Ur barrez en Eskopti Treger e oa; krouet e voe diwar ul lodenn eus parrez Pleuveur-Bodoù.

XVII^vet kantved

• 1631-1632: ar vosenn a reas he reuz e Servel.

Dispac'h Gall

• E 1790 e voe krouet kumun Servel.

XXvet kantved

• Eil brezel-bed: implijet e voe nijva Servel gant al Luftwaffe (aerlu alaman), bombezennet e veze alies gant ar Re Unanet; eno e voe fuzuilhet 22 zen ag ar Rezistañs gant an Alamaned e mizioù Even ha Gouhere 1944.
• E 1961 e voe staget kumun Servel ouzh kumun Lannuon.

Monumantoù ha traou heverk

Chapel Sant-Negoutan

• Chapel Sant Negoutan, dibenn ar XIV^vet kantved, XV^vet-XVIII^vet kantved.
• Iliz katolik Sant Pêr, 1884-1886.
• Feunteun ar Pemp Gouli

Dezougen

• Un aerborzh zo, hag aerborzh Lannuon, pe Aerborzh Lannuon-Aod ar Vein Ruz, a vez graet anezhañ. Gwechall e veze lavaret Tachenn-nij Lannuon-Servel pa ne oa ket c'hoazh un aerborzh, ha pa ne oa ket c'hoazh stag Servel ouzh Lannuon.

Melestradurezh

• Le Barzic a oa maer e 1837 ha Le Bricquir e 1860 .

Tud brudet

• Per Bourdellez, ganet eno e karter Belleger.
• Juluen Sklison, beleg eno eus 1936 betek 1945.

Sellet ivez ouzh

• Lannuon
• Belleger

Liammoù diavaez

• Infobretagne