Jean Delannoy

Jean-François Henri Delannoy, bet ganet e Noisy-le-Sec (Seine d'ar mare-se) d'an 12 a viz Genver 1908 hag aet da Anaon e Guainville (Eure-et-Loir) d'an 18 a viz Mezheven 2008, a oa un den a sinema hag en devoa pledet gant an darn vrasañ eus micherioù an arz-se. Padal, anavezet e vez evel filmaozour ha saver senarioioù kentoc'h.

Breur eo da Henriette Delannoy, aktourez da vare ar sinema mut.

Goude bezañ kaset da benn vat e studioù war al Lizhiri er Sorbonne e oa aet da arzvarnour da gentañ-penn, ha da-heul, da gazetenner ha da ginklour.

Kroget en devoa Jean Delannoy gant ar sinema o telc'her rolloù bihan, e-barzh ar film Casanova (1927) gant Alexandre Volkoff peurgetket. Da c'houde, seveniñ a reas meur a film berr ha frammañ un toullad all. Galvet e oa bet gant Jacques Deval e 1936 da zont da vezañ e skoazeller evit Club de femmes, a-raok mont da eiler Félix Gandéra evit e filmoù Tamara la complaisante (1937) ha Paradis de Satan (1938).

E filmoù

Filmoù berr

evel filmaozour

• 1932 : Franches lippées,
• 1934 : L'École des détectives,
• 1934 : La Moule,
• 1934 : Une vocation irrésistible,
• 1937 : Ne tuez pas Dolly.

evel frammer

• 1932 : Franches lippées,
• 1933 : Mon chapeau,
• 1934 : L'École des détectives,
• 1934 : La Moule.

Evel merour

• 1937 : Ne tuez pas Dolly.

Filmoù hir

evel aktour

• 1926 : Casanova gant Alexandre Volkoff,
• 1927 : Miss Helyett gant Georges Monca ha Maurice Kéroul,
• 1928 : La Grande passion gant André Hugon,
• 1933 : Casanova gant René Barberis.

evel saver divizoù

• 1940 : Diamant noir,
• 1952 : La Minute de vérité.