Carlota Spagn : diforc'h etre ar stummoù
Linenn 58: | Linenn 58: | ||
==He marv== |
==He marv== |
||
Mervel a reas e 1830 e palez Queluz, e [[Sintra]], e Portugal. |
Mervel a reas e 1830 e palez Queluz, e [[Sintra]], e Portugal. |
||
==Poltredoù== |
|||
<gallery> |
|||
Image:La familia de Carlos IV.jpg|Tiegezh Carlota Joaquina, gant [[Goya]]. Ne weler nemet penn Carlota. |
|||
Image:Carlota Joaquina de Boubon.jpg|Ar briñsez en bugel. |
|||
Image:Carlota-joaquina.jpg|Rouanez Portugal |
|||
Image:Palacio Queluz geral5.JPG|E Palez Queluz |
|||
Image:Príncipe Regente de Portugal e toda a Família Real embarcando para Brasil no cais de Belém.jpg| Priñs Rejant Portugal hag an tiegezh roueel war ar c'hae e [[Belém]] kent lestrañ da vont etrezek Brazil |
|||
Image:PacoImperial1.jpg|Ar Paço Imperial e Rio de Janeiro |
|||
Image:Varanda.gif|Vista exterior da galeria de aclamação do rei de Portugal, Brasil e Algarves, D. João VI |
|||
Image:Beijamao.jpg|Beija-mão, lez João VI e Brasil |
|||
Image:PalaceSaoCristovao.jpg|Paço de São Cristóvão (Quinta da Boa Vista) en amzer Carlota Joaquina |
|||
Image:Domingos Sequeira - D. Carlota Joaquina.jpg|Poltred gant Domingos Sequeira |
|||
Image:Joaquina Carlota de Bourbon.JPG|Poltred Carlota war varc'h, gant Domingos Sequeira |
|||
Image:Autor não identificado (gravado por Manuel Antonio de Castro) - Dona Carlota Joaquina de Bourbon, 1827.jpg|Carlota, e 1827 |
|||
</gallery> |
|||
== Notennoù == |
== Notennoù == |
Stumm eus an 7 Ebr 2014 da 17:45
Carlota Spagn, pe Carlota Joaquina de Borbón e spagnoleg, Carlota Joaquina Teresa Cayetana de Borbón y Borbón hervez hec'h anv ofisiel (1775-1830), a oa un infantez spagnol, rouanez Portugal hag impalaerez Brazil.
He buhez
Ganet e oa d'ar 25 a viz Ebrel 1775 e Palez Aranjuez. Merc'h henañ Carlos IV, roue Spagn, hag e bried Maria Luisa Carlotta di Borbone-Parma e oa.
Dimeziñ
Dek vloaz e oa e 1785, pa voe dimezet da João (1767-1826), eil mab Pedro III, roue Portugal, ha Maria Iañ. Ne voe sevenet eured João ha Carlota nemet d'an 9 a viz Genver 1790, pa oa-hi 15 vloaz, e Lisboa. Ur briñsez lorc'hus ha feuls e oa anezhi. Vil ha bihan e oa, hep bout korrez avat.
Rouanez
Mab henañ ar roue, José, an hini a oa da vout roue, met mervel a reas e 1788. Ha setu neuze João, pried Carlota, da bennhêr kurunenn Portugal, hag anvet da briñs Brazil ha da 17vet dug Braganza. Entre 1788 ha 1816 e veze graet priñsez Brazil eus Carlota.
Dre ma oa troet foll ar rouanez goude marv he fried ha hini he mab, e voe anvet João da rejant adalek 1792. E lez Lisboa e krogas Carlota da voutañ he fri en aferioù ar stad ha da glask levezoniñ he fried rejant. Kement-se avat a zisplije kenañ da noblañsed Portugal, ha d'ar bobl a gleve o c'hlemmoù.
Iriennañ a reas Carlota da glask diskar he fried roue evit bezañ lakaet da rouanez ur rouantelezh a vodje Brazil ha Portugal. E 1806 e tizoloas João VI edo Carlota Joaquina o klask aozañ un taol er palez da gemer ar galloud. Neuze e voe kaset kuit eus Palez Mafra, ha kaset da chom, dindan evezh, da balez Queluz, nepell eus Lisboa.
E Brazil
En amzer-se e oa Spagn dindan dreid gant armeoù Napoleone Buonaparte, hag ar rouaned Carlos IV, he zad, ha Fernando VII, he breur, a oa prizoniet e Bro-C'hall.
E 1807 e voe aloubet Portugal gant soudarded c'hall Napoleone Buonaparte.
E deroù 1808 e tec'has ar roue João VI hag an Tiegezh Bragança da Vrazil, war vourzh al lestr Príncipe Real (« priñs roueel »). Trevadenn bortugalat e oa Brazil d'an ampoent. Degouezhout a rejont e Salvador da Bahia d'an 2 a viz Genver 1808. Goude-se ez ejont da chom da Rio de Janeiro , d'ar Paço da Cidade, palez an impalaer diwezhatoc'h. Eno edo al lez, met ne oa ket echu gant iriennoù Carlota Joaquina. Entre 1808 ha 1812 e fellas da Carlota Joaquina kemer lec'h he breur Fernando VII evel rejant Spagn keit ma oa prizoniad e Bro-C'hall ha ma oa ar roue gall José Buonaparte e Madrid. Hervez Carlota ne oa nemeti, eus tiegezh ar roue Carlos IV, ha ne oa ket prizoniad gant ar C'hallaoued.
E Mae 1810 e timezas he merc'h henañ Teresa da Pedro, infant Spagn.
D'ar 4 a viz Gouhere 1812 e varvas Pedro Carlos de Borbón e Boa Vista, hep bezañ adwelet Portugal na Spagn e vugaleaj, ha setu Teresa intañvez da 19 vloaz.
Klask dastum en he dorn holl zouaroù Spagn en Amerika, dre ma kave dezhi e oa pennhêrez he zad prizoniad.
He mennad e oa kas un armead vrazilian da aloubiñ Buenos Aires ha hanternoz Arc'hantina. Siwazh dezhi ne deuas a-benn nemet da gemer lez hanternoz aber ar Rio de la Plata, a chomas en Impalaeriezh Brazil betek en 1822, hag anvet Cisplatina. Ar vro-se en em zistagas en 1828 da vezañ Republik Uruguay.
Fellout a reas dezhi lakaat he niz ha mab-kaer, Pedro Carlos de Borbón, infant Spagn, da ren en Amerika spagnol, diac'hub diouzh ar vetropolenn, dalc'het gant Bro-C'hall. Evit se e klaskas skoazell an amiral Sidney Smith, komandant listri saoz kaeet e porzh Rio[1].
He bugale
Nav bugel he doe, c'hwec'h merc'h ha tri mab (daou a voe rouaned Portugal).
- e 1793 Maria Teresa,
- e 1795 Francisco António Pio.
- e 1797 Maria Isabel.
- e 1798 Pedro de Alcântara, a voe Pedro Iañ Brazil (ha Pedro IV Portugal)
- e 1800 Maria Francisca de Assis.
- e 1801 Isabel Maria, rejantez Portugal.
- e 1802 Miguel, Roue Portugal.
- e 1805 Maria de Assunção.
- e 1806 Ana de Jesus Maria.
He marv
Mervel a reas e 1830 e palez Queluz, e Sintra, e Portugal.
Poltredoù
-
Tiegezh Carlota Joaquina, gant Goya. Ne weler nemet penn Carlota.
-
Ar briñsez en bugel.
-
Rouanez Portugal
-
E Palez Queluz
-
Priñs Rejant Portugal hag an tiegezh roueel war ar c'hae e Belém kent lestrañ da vont etrezek Brazil
-
Ar Paço Imperial e Rio de Janeiro
-
Vista exterior da galeria de aclamação do rei de Portugal, Brasil e Algarves, D. João VI
-
Beija-mão, lez João VI e Brasil
-
Paço de São Cristóvão (Quinta da Boa Vista) en amzer Carlota Joaquina
-
Poltred gant Domingos Sequeira
-
Poltred Carlota war varc'h, gant Domingos Sequeira
-
Carlota, e 1827
Notennoù
- ↑ Jean-François Labourdette, Histoire du Portugal, éd. Fayard, p. 496.