Kleopatra VII : diforc'h etre ar stummoù
Xqbot (kaozeal | degasadennoù) D Bot : el:Κλεοπάτρα Ζ΄ της Αιγύπτου zo ur pennad eus an dibab; Kemm dister |
Xqbot (kaozeal | degasadennoù) D Bot : ms:Cleopatra VII dari Mesir zo ur pennad eus an dibab; Kemm dister |
||
| Linenn 26: | Linenn 26: | ||
{{Liamm PuB|ceb}} |
{{Liamm PuB|ceb}} |
||
{{Liamm PuB|el}} |
{{Liamm PuB|el}} |
||
{{Liamm PuB|ms}} |
|||
{{Link GA|de}} |
{{Link GA|de}} |
||
{{Link GA|fi}} |
{{Link GA|fi}} |
||
Stumm eus an 3 Gen 2014 da 22:02
Kleopatra VII Thea Philopator , Κλεοπάτρα Φιλοπάτωρ en henc'hresianeg (69 kent JK[1] – 12 a viz Eost 30 kent JK), anvet peurliesañ Kleopatra hepken, a oa faraonez diwezhañ Henegipt.
Diwezhañ ezel eus tierniezh ar Btolemeed e oa, ur familh a orin gresian-ha-makedonian[2] a renas Henegipt goude marv Aleksandr Veur e-pad ar prantad hellenistek. Kleopatra a renas da gentañ war un dro gant he zad Ptolemaios XII Auletes ha diwezhatoc'h gant he breudeur, Ptolemaios XIII ha Ptolemaios XIV, a euredas ganti diouzh giz Henegiptiz, met dont a reas en diwezh da vezañ ar riegez nemeti. n'he doa bugel ebet eus ar priedoù-se. Dont a reas da vezañ serc'h Julius Caesar, ar pezh a greñvaas he zron. Diwezhatoc'h e lakaas ar mab he doa bet gant Julius Caesar, Caesarion, da genren ganti.
Goude drouklazh Julius Caesar e 44 kent JK, e enebas gant Marcus Antonius ouzh hêr Caesar diouzh al lezenn, Gaius Julius Caesar Octavianus (anvet diwezhatoc'h Augustus). Bet he doe gevelled gant Marcus Antonius, Kleopatra Selene II hag Aleksandr Helios, hag ur mab all, Ptolemaios Filadelfos. Goude bezañ bet trec'het en emgann Actium gant armeoù Octavianus, Marcus Antonius en em lazhas. Kleopatra en em bersekutas ivez war e lerc'h, flemmet gant un naer hervez an hengoun, d'an 12 a viz Eost 30 kent JK.[3] He mab Caesarion, a oa anvet faraon war lerc'h he marv gant e harperien, met drouklazhet e oa war urzh Octavianus. He rouantelezh a zeuas da vezañ proviñs roman Egipt.
Betek hiziv an deiz eo chomet brudet Kleopatra e sevenadur ar C'hornôg. Bevañ a ra c'hoazh he c'houn en oberennoù arz niverus. Gallout a reer menegiñ trajedienn William Shakespeare Anton ha Kleopatra, opera Jules Massenet, Cléopâtre, ha film 1963 Cleopatra. E kalz deskrivadurioù e tiskouezer Kleopatra evel un dekenn, hag he darempredoù gant ar wazed c'halloudusañ eus ar bed en hec'h amzer zo kemeret evel prouennoù eus he c'hened. En e Pensées ec'h embann Blaise Pascal e oa kemmet istor ar bed gant he c'hened: "Fri Kleopatra, ma vije bet berroc'h, dremm ar bed a-bezh a vije bet cheñchet."[4]
Notennoù
- ↑ Walker, p. 129.
- ↑ The Oxford Encyclopedia of Ancient Egypt. “,Kleopatra VII a oa merc'h Ptolemaios XII Auletes (80–57 kent JK, faraon etre 55 ha 51 kent JK) ha kleopatra, gresianed-ha-Makedoniz o-daou."
- ↑ "Who Was Cleopatra?", p 2, Smithsonian Magazine
- ↑ title The Beauty of Cleopatra, University of Chicago
| En he raok Ptolemaios XIII |
Kleopatra VII Tierniezh Ptolemaek adalek -51 betek -30 |
War he lerc'h Impalaeriezh roman |
Patrom:Liamm PuB Patrom:Liamm PuB Patrom:Liamm PuB Patrom:Link GA Patrom:Link GA Patrom:Link GA