Janed II Navarra : diforc'h etre ar stummoù
| Linenn 30: | Linenn 30: | ||
* Jeanne (1339-1403), dimezet en [[1377]] da [[Yann Iañ |Yann Iañ, beskont Rohan]], ha bugale dezho ; |
* Jeanne (1339-1403), dimezet en [[1377]] da [[Yann Iañ |Yann Iañ, beskont Rohan]], ha bugale dezho ; |
||
* Louis (1341-1376 en Albania), kont [[Beaumont-le-Roger]]. |
* Louis (1341-1376 en Albania), kont [[Beaumont-le-Roger]]. |
||
==He marv== |
|||
Goude dont d'ober he le evel Rouanez Navarra e tistroas da vro-C'hall ha ne voe ket gwelet er vro ken. Chom a reas rouanez koulskoude goude marv he fried ha dre lizher e heulie darvoudoù he rouantelezh. Mervel a reas gant ar vosenn a rede dre Europa en he c'hastell e [[Bréval]],<ref>Peio J. Monteano, ''La ira de Dios. Los navarros en la Era de la Peste (1348-1723)'', pajenn 47. Pamiela, [[Pamplona]], 2002. ISBN: 84-7681-353-8.</ref> nepell diouzh Pariz, en 1349. <br /> |
|||
Neuze e voe anvet he mab [[Carlos II de Navarra|Charlez "ar Fallakr"]], 17 vloaz, da [[roue Navarra]]. |
|||
==Annez== |
==Annez== |
||
Stumm eus an 20 Kzu 2013 da 07:11
|
|
Jeanne de France, pe Janed II Navarra (1311-1349), a oa ur briñsez c'hall, merc'h da Loeiz X, Roue Bro-C'hall ha Navarra, ha da Marc'harid Bourgogn (1290-1315).
He buhez
Ganet e oa e kastell Conflans, e Bro-C'hall, d'an 28 a viz Genver 1311.
Bac'het e oa he mamm, Marc'harid Bourgogn, rouanez Bro-C'hall, e Château-Gaillard, dre ma vije vet avoultrez. Pa varvas e 1315 ne oa Janed nemet pevar bloaz.
He zad, Loeiz X (Bro-C'hall) , addimezet da Clémence de Hongrie, a varvas bloaz goude, en 1316, hag e wreg a c'hanas ur mab dalif, Yann Iañ (Bro-C'hall), ha ne vevas nemet un toullad deizioù. War zigarez e vije bet ur vastardez anezhi e oa bet lamet digant Janed he gwirioù war kurunennoù Navarra ha Bro-C'hall, ha war gontelezhioù Champagne ha Brie.
E 1317 e voe berzet ouzh ar maouezed ren e Bro-C'hall, hogen ne oa ket berzet e Navarra. Setu perak, goude marv hec'h eontred, e c'hallas bezañ anvet da Rouanez Navarra, unnek vloaz goude.
E Mezheven 1318, da 7 vloaz, e timezas da Fulup, kont Evreux, priñs gall, mab da Louis de France (ur c'henderv da Loeiz X (Bro-C'hall)), kont Évreux, ha da Marc'harid Artez.
E kastell ar Séjour du Roy e Charenton e voe graet an eured hag eno e chomas betek he marv [1].
Rouanez
E 1322 e varvas hec'h eontr Fulup V (Bro-C'hall) , a oa war un dro Fulup II Navarra, ha roet e voe ar gurunenn d'e vreur all, eontr all dezhi eta, hag a voe anvet Carlos Iañ Navarra ha Charlez IV Bro-C'hall. Pa varvas hennezh d'ar 1añ a viz C'hwevrer 1328 e voe ret klask ur roue all.
En Navarra e voe kavet tro neuze da zistagañ ar vro diouzh Bro-C'hall. En miz Meurzh 1328 e voe ur vodadeg en Puente la Reina : gant an dud bodet e voe diskaret gouarnour ar roue Carlos, Pedro Ramón de Rabastens, hag anvet daou rejant , Juan Corbarán de Leet ha Juan Martínez de Medrano, ha divizet e voe gervel Janed hag he fried da ren e Navarra. Roet e voe kurunenn Navarra da Janed e 1328 ha rouanez e voe betek he marv e 1349.
Dimeziñ ha bugale
E Mezheven 1318, da 7 vloaz, e oa bet dimezet Janed da Fulup, kont Evreux, priñs gall, mab da Louis de France (ur c'henderv da Loeiz X (Bro-C'hall), kont Évreux, ha da Marc'harid Artez.
Eizh bugel o doe:
- Marie (1330-1347), dimezet da Pedro IV Aragon, ha bugale dezho ;
- Charlez Evreux (1332-1387), kont Évreux ha roue Navarra, dimezet da Janed Bro-C'hall (1343-1373) ha bugale dezho ;
- Blanche (1333-1398), dimezet en 1349 da Fulup VI Valois, Roue Bro-C'hall ;
- Agnès (1334-1396), dimezet da Gaston III Fébus, kont Foix ha beskont Bearn, hag a c'hanas ur mab ;
- Philippe Navarra (1336-1363), kont Longueville ;
- Jeanne (1338-1387), leanez;
- Jeanne (1339-1403), dimezet en 1377 da Yann Iañ, beskont Rohan, ha bugale dezho ;
- Louis (1341-1376 en Albania), kont Beaumont-le-Roger.
He marv
Goude dont d'ober he le evel Rouanez Navarra e tistroas da vro-C'hall ha ne voe ket gwelet er vro ken. Chom a reas rouanez koulskoude goude marv he fried ha dre lizher e heulie darvoudoù he rouantelezh. Mervel a reas gant ar vosenn a rede dre Europa en he c'hastell e Bréval,[2] nepell diouzh Pariz, en 1349.
Neuze e voe anvet he mab Charlez "ar Fallakr", 17 vloaz, da roue Navarra.
Annez
- E Pariz e tegouezhas dezhi an Hôtel de Navarre a-berzh he zad e 1316, en niverennoù 47 & 49 rue Saint-André-des-Arts, ma oa o chom gant he fried [3].
Notennoù
- ↑ Jean Emmanuel Charles Nodier, La Seine et ses bords, p. 89.
- ↑ Peio J. Monteano, La ira de Dios. Los navarros en la Era de la Peste (1348-1723), pajenn 47. Pamiela, Pamplona, 2002. ISBN: 84-7681-353-8.
- ↑ Marquis de Rochegude,Promenade dans toutes les rues de Paris, par arrondissement, Hachette et Cie, Paris, 1910.