Garona

Red ar Garona.

Ar Garona (Garona en okitaneg, katalaneg ha spagnoleg, Garonne e galleg) zo ur stêr eus Okitania. Eieniñ a ra er Pireneoù, e Plan de Beret, en ul lec'h anvet Uelh deth Garona, e Traoñienn Aran (al lodenn okitanek eus Kumuniezh Emren Katalonia), er Pireneoù, goude un daou-ugent kilometr bennak ec'h antren e Republik Frañs, ha tremen a ra dre gêrioù evel Toloza, Agen ha Bourdel a-raok degouezhout gant an Dordogna ha stummañ neuze aber ar Gironde (Gironda en okitaneg) a-raok en em deurel er Meurvor Atlantel.

Adstêrioù

Eus e eienenn d'ar mor e teu dezhañ ar stêrioù-mañ:

ar Maudan ar Pica an Orsa ar Nesta ar Ger an Noua ar Salat

ar Volp an Arisa al Lojo an Arièja (Ariège e galleg) ar Toish ar Maltemps an Aussonèla ar Sava

ar Gimona an Hers Mòrt ar Sera an Tarn an Arrats ar Bargalona an Auroa

ar Seuna ar Gers ar Baïsa an Òlt (Lot e galleg) ar Tolzac an Avanca an Dròt ar Ciron

ar Ga Mòrt an Devesa ar Jala de Blancafòrt an Dordogna (Dordogne e galleg)

Kreizennoù nukleel

Div greizenn nukleel zo war e lezioù:

• hini ar Blayais, e-kichen Blaye (33)
• hini Golfech, nepell diouzh Toloza (82)