Polyksene : diforc'h etre ar stummoù
D Bot: Migrating 24 interwiki links, now provided by Wikidata on d:q750236 (translate me) |
|||
Linenn 26: | Linenn 26: | ||
[[Rummad:Mojennoù Hellaz]] |
[[Rummad:Mojennoù Hellaz]] |
||
[[de:Polyxena (Tochter des Priamos)]] |
Stumm eus an 20 Eos 2013 da 13:57
Poliksene (en gregach Πολυξένη / Polyxénê) a oa ur briñsez eus kêr Troia, merc'h d'ar roue Priam ha d'e eil pried Hekuba hervez mojennoù Hellaz kozh.
Kaoz ebet ne gaver anezhi en Ilias Homeros. Savet eo bet ar vojenn gant barzhed all diwezhatoc'h.
Ar vojenn
Merc'h yaouankañ he zud e oa Poliksene. Gwelet eo evel adskeudenn Ifigenia, merc'h Agamemnon ha Klitemnestra. Div wreg en doe he zad, ha meur a serc'h. Hanter-kant breur hag unnek c'hoar eta he doe Poliksene, en o zouez Hektor a oa mab henañ Priam ha pennhêr tron Troia. Paris, ur mab all, a lakaas brezel Troia da ziwan. E-touez bugale Priam ha Hekuba e kaver Helenos ha Kasandra; Deifobos; Troilos; Polites; Kreousa, gwreg Aeneias; Laodike, gwreg Helikaon; ha Polidoros, e vab yaouankañ.
Hervez un orakl ne vije ket distrujet Troia ma teuje he breur Troilos da dapout e ugent vloaz. Arsailhet e voe ar breur hag ar c'hoar gant soudarded hellazat, pa oant o vont da gerc'hatdour eus ur feunteun. Lazhet e voe Troilos gant ar brezelour Akileus. Orgediñ ouzh Poliksene a reas neuze an Hellazad.
Lazhet e voe Poliksene gant Neoptolemos , mab da Akilles, war bez e dad.
Mammennoù
Istor aberzh Poliksene a gaver en Hécuba ha meneget eo ivez en Las troyanas, div oberenn diwar zorn Euripides.[1][2]
Notennoù
- ↑ Euripides: Hécuba; skrid e kastilhaneg en Wikisource.
- ↑ Euripides: The Trojan Women; Skrid e saozneg en Wikisource.