Lorenzo il Vecchio : diforc'h etre ar stummoù
D Bot: Migrating 9 interwiki links, now provided by Wikidata on d:q932292 (translate me) |
D Bot: Migrating 1 interwiki links, now provided by Wikidata on d:q932292 (translate me) |
||
Linenn 34: | Linenn 34: | ||
[[Rummad:Ganedigezhioù 1395]] |
[[Rummad:Ganedigezhioù 1395]] |
||
[[Rummad:Marvioù 1440]] |
[[Rummad:Marvioù 1440]] |
||
[[ru:Медичи, Лоренцо Старший]] |
Stumm eus an 23 Ebr 2013 da 14:55
Lorenzo il Vecchio, pe Laorañs an Henañ, pe Lorenzo di Giovanni di Bicci (Firenze 1395-1440 Firenze) a oa un arc'hantour italian eus an Tiegezh Medici e Firenze er XVvet kantved, anezhañ ur breur yaouankoc'h da Cosimo il Vecchio, ha penn ar skourr popolano, a zeuio Cosimo Iañ de' Medici anezhañ pa vo echu gant ar skourr kentañ.
E vuhez
Mab e oa da Giovanni di Bicci de' Medici ha da bPiccarda Bueri, ha kelennet e voe gant Carlo Marsuppini, kanseller Republik Firenze.
E 1416 e timezas da Ginevra di Giovanni di Amerigo Cavalcanti, ha daou vab o doe:
- Francesco, a varvas divugel,
- Pierfrancesco di Lorenzo de' Medici, tad d'ar skourr popolano eus an Tiegezh Medici.
Ginevra Cavalcanti a oa moereb da wreg Giovanni Arnolfini.
Lorenzo a eas da-heul e vreur Cosimo pan eas da Ferrara, Verona ha Vicenza da vare ar vosenn e Firenze (1430).
E 1433 e klaskas sevel un arme da zieubiñ Cosimo pa voe harzet ha tamallet dezhañ bezañ tirant. Diwezhatoc'h ez eas d'e gaout da Venezia hag e tistroas gantañ da Firenze war an ton bras goude distaolet an tamalloù graet da g-Cosimo.
War-dro an arc'hant dreist-holl e reas Lorenzo met kargoù all en doe e Republik Firenze ha kaset e voe da gannad d'ar pab Eugene IV ha da Republik Venezia.
E 1435 ez eas da chom da Roma da evezhiañ aferioù ar Bank Medici e lez ar pab.
Mervel a eure e 1440 er Villa di Careggi ha beziet e voe en penniliz San Lorenzo Firenze.
Hervez a ouzer eus skridoù an amzer e oa un den mat e yec'hed (e skourr e vreur henañ Cosimo e oa kleñvedoù a dad da vugale), oberiant ha troet gant ar vuhez war ar maez, a gare ar chas hag ar chase, ha dot da chom er ville medicee.