Feskenn

Lec'hiadur ar feskennoù

Ar feskennoù (pe ar feskinier, pe an divfeskenn), pe peñsoù, pe ar c'hlunioù (pe an divglun) eo al lodenn fonnusañ eus revr an dud.

Kig

Komzet e vez eus feskenn un ejen ivez pa gomzer eus boued.

Feskennoù an dud

Ar gluteus maximus a zo unan eus kigennoù ar feskennoù.

Teir c'higenn gluteus dreist-holl a zo ouzh o ober: ar gluteus bras, ar gluteus krenn, hag ar gluteus bihan. Gante o-zeir eo e c'haller sevel ar c'haol ha treiñ ar vorzhed.

Gerioù deveret

• Ur feskennad, a zo un taol, pe taolioù, war ar feskinier. Peñsad, revrad, revriad, tersad, zo heñvelster.
• Feskennata (evel peñsata, tersata) zo skeiñ war ar feskinier. An ober-se, e-barzh an desevel bugale, zo deuet da vout diamzeriet. E-barzh revelezh tud zo avat n'eo ket.
• Un den feskennek, a zo tersek, peñsek.
  • An anv Peñseg zo brudet e Kerne Izel, ha dre Vreizh a-bezh gant ar politikour Louis Le Pensec hag ar reder war varc'h-houarn Ronan Pensec.

Gerioù heñvelster

Divfeskenn ur vaouez.

Sede un nebeud gerioù all a reer ganto e-lec'h lavarout feskennoù:

• peñsoù
• tersoù
• divglun, eus ar ger klun, nebeud anavezet nemet e Bro-Wened;
• pastelloù
• moñselloù
• leternioù

Arz

Merope a zilez ar Pleiadezed, gant William-Adolphe Bouguereau (1884). Awenet eo bet al livour gant feskennoù kaer.

Awenet eobet an arzourien gant feskennoù brav.

• Gwelout Venus Kallipygos‎ .

Pennadoù kar a dost pe a bell

• revr

Heñvelson

• Ur feskenn zo ivez ur feskad, pe ur feskennad, pe un teskad, ur guchenn, ur malan, er bomm ur feskenn blouz.

• Komzet e vo ivez eus ur feskenn bannieloù.

• Feskennoù ul levr zo ur strollad (pe strobad) pajennoù, pe kaieroù.