Luisa Carlotta an Div Sikilia : diforc'h etre ar stummoù
Linenn 61: | Linenn 61: | ||
[[Rummad:Ganedigezhioù 1804]] |
[[Rummad:Ganedigezhioù 1804]] |
||
[[Rummad:Marvioù 1844]] |
[[Rummad:Marvioù 1844]] |
||
[[ca:Lluïsa Carlota de Borbó-Dues Sicílies]] |
|||
[[de:Luisa Carlota von Neapel-Sizilien]] |
|||
[[en:Princess Luisa Carlotta of Naples and Sicily]] |
|||
[[es:Luisa Carlota de Borbón-Dos Sicilias]] |
|||
[[fr:Louise-Charlotte de Bourbon-Siciles]] |
|||
[[it:Luisa Carlotta di Borbone-Due Sicilie]] |
|||
[[ja:ルイサ・カルロッタ・デ・ボルボーン=ドス・シシリアス]] |
|||
[[nl:Louise Charlotte van Bourbon-Sicilië]] |
|||
[[pl:Ludwika Charlotta Burbon-Sycylijska]] |
|||
[[pt:Luísa Carlota de Bourbon-Duas Sicilias]] |
|||
[[ro:Prințesa Luisa Carlotta a celor Două Sicilii]] |
|||
[[ru:Луиза Карлота Бурбон-Сицилийская]] |
|||
[[sv:Luisa Carlotta av Bägge Sicilierna]] |
Stumm eus an 4 Ebr 2013 da 20:03
Luisa de Borbone-Sicilia, pe Luisa Carlotta Maria Isabella di Borbone en italianeg, pe Luisa Carlota de Borbón-Dos Sicilias y Borbón e spagnoleg, ganet e 1804 ha marvet e Madrid e 1844, a oa ur briñsez italian, deuet da vout infantez Spagn.
He buhez
Ganet e oa e Napoli e 1804. Merc'h e oa da Francesco Iañ an Div Sikilia ha d'e bried María Isabel Spagn. C'hoar e oa da Fernando II an Div Sikilia, a renas war-lerc'h o zad, ha da Maria Christina an Div Sikilia (1806–1878). Da gentañ e oa priñsez a Naplez ha priñsez a Sikilia. Hogen, pa voe unvanet Rouantelezh Naplez ha hini Sikilia, d'an 18 a viz Kerzu 1816, eo e teuas da vout priñsez roueel an Div Sikilia.
Spagn
Dimezet e voe e 1819 d'an infant Francisco de Paula Spagn, kont Cadiz, breur d'he mamm ha d'ar roue Fernando VII, ha da Carlos (1788-1855), Kont Molina. Evel Europa an amzer-se e oa rannet lez Spagn etre div gostezenn bolitikel:
- en un tu ar virourien touet, ha Kont Molina a oa en o fenn, en sell da vezañ roue war-lerc'h e vreur divugel,
- en tu all ar frankizourien, harpet gant Francisco de Paula ha Luisa.
Ur vaouez a benn e oa, un itrikerez touet, hag un den a bouez bras el lez. Pa varvas trede pried ar roue Fernando VII, he breur-kaer, bepred divugel, e teuas Luisa Carlotta a-benn da lakaat roue Spagn da addimeziñ d'he c'hoar yaouank Maria Christina an Div Sikilia, a deuas da vout pevare pried ar roue intañv.
Dipitet bras neuze e voe Carlos, breur ar roue, o welout e vreur henañ oc'h addimeziñ adarre, hag ar gurunenn o pellaat diouzh e benn ha diouzh hini e bried portugalat.
Rak div verc'h o doe ar rouaned, ha bec'h a voe diwezhatoc'h, ha brezel abalamour da se. Evel-se bepred eo e teuas Luisa da vezañ c'hoar-gaer d'he c'hoar, ha moereb da rouanez Spagn, Isabel II, an hini a renas war-lerc'h Fernando VII, e-lec'h Carlos a chomas e fri war ar gloued. Ouzhpenn-se e timezas he mab Francisco de Asís de Borbón da Isabel II. A-hend-all e oa mamm da Enrique de Borbón, a voe lazhet en un duvell gant Antonio de Orleáns, kenderv da Luisa.
Liammet e oa gant frankizourien Spagn, a-enep kostezenn Carlos.