Lan Inizan

Lan Inizan
Anv ofisiel	Alain Marie Inisan
Anv pluenn	Lan Inizan
Obererezh	Beleg, romantour
Ganedigezh	e 1826 e Gwinevez, Breizh
Marv	e 1891 e Gwinevez, Breizh
Yezh skrivañ	Brezhoneg
Oberennoù pennañ
Buhez Sant Fransez Asiz Emgann Kergidu Toull al Lakez

Lan Inizan, pe Alain Marie Inisan (1826-1891) zo ur beleg ha skrivagner brezhonek brudet evel oberour ar c'hentañ romant brezhonek embannet.

E vuhez

Ganet e oa bet e Gwinevez d'an 23 a viz Du 1826. Beleget e voe e 1851. Mont a reas da berson e-pad 10 vloaz a-raok distreiñ da di e dud ma chomas 4 bloaz. E 1865 ez eas da Normandi da gelenner, ur vicher a reas 4 bloaz a-raok bezañ anvet da berson eno e 1869. E 1871 e welas ar Brusianed o tegouezhout. E 1874 e oa o kelenn e Gwengamp. E 1874 ez eas da berson da Winevez ma varvas e 1891. E soñjoù roueelour a harzas outañ da vont pelloc'h war ar vicher ha chomet e oa tri bloavezh, a 1871 da 1874, hep parrez ebet. D'ar c'houlz-hont eo e krogas e penn e bluenn evit skrivañ e-pad e amzer vak.

Oberennoù

Embannadur kentañ Emgann Kergidu e 1878

• Toull al Lakez, un danevell varzhus embannet e 1874.
• Emgann Kergidu, ur romant embannet e 1878, pennoberenn Lan Inizan, romant kentañ istor al lennegezh vrezhonek ha berzh a reas e-touesk ar boblañs. Skrivet eo en ur brezhoneg pinvidik-mor. Ennañ e kaver istor an emgannoù a enebas ar Chouaned ouzh ar Republikaned e-pad an Dispac'h Bras, e Gorre-Leon.
• Buhez Sant Frañsez Asiz, un danevell eus buhez ar sant, embannet war-lerc'h marv Lan Inizan, e 1898. Levezoniñ a reas Buhez ar Sent Yann-Vari Perrot. Adembannet gant Ar Vuhez Kristen, Rosko, e 1942, reizhet ha kresket gant an Tad Eujen a Wengad.

Ereoù diavaez

• Toull al lakez, embannadur kentañ. A c'haller lenn e lec'hienn levraoueg niverel skol-veur Roazhon 2
• Emgann Kergidu, embannadur kentañ, war Google books, Gallica