Yann Iañ (dug Normandi)

Yann Dizouar, pe Yann Bro-Saoz (Histoire de l'Angleterre, gant Cassel, 1902)

Duged Normandi

911 - 1206
Tiegezh Rollon
911 - 927 Rollon 927 - 942 Gwilherm Hir e Gleze 942 - 996 Richarzh Dizaon 874 - 1026 Richarzh II 1026 - 1027 Richarzh III 1027 - 1035 Roparzh an Diaoul 1035 - 1087 Gwilherm an Alouber 1087 - 1106 Roparzh II (dug Normandi) 1106 - 1135 Herri Iañ (dug Normandi) 1135 - 1144 Steven Bleaz
Tiegezh Plantagenet
1144 - 1150 Jafrez Plantagenet 1150 - 1189 Herri II Plantagenet 1189 - 1199 Richarzh IV Kalon Leon 1199 - 1206 Yann Dizouar

Yann Dizouar (John Lackland e saozneg; Jean sans Terre e galleg), a oa roue Bro-Saoz ha dug Normandi adalek Ebrel 1199 betek e varv e 1216. N'eus bet nemet un dug Yann en istor Normandi, nag ur roue “Yann” en istor Bro-Saoz, ha Yann Dizouar an hini e oa. A-wechoù e vez graet e anv ofisiel, Yann Bro-Saoz, anezhañ. E-kerzh e ren e voe kollet Normandi gant Bro-Saoz.
Brudet eo e anv en istor Breizh pendeogwir e lazhas e niz Arzhur Iañ, dug yaouank Breizh.

E vuhez

Ganet e oa d'ar 24 a viz Kerzu 1166 ha marvet d'an 18 a viz Here 1216). Mab yaouankañ ar roue saoz Herri II hag e wreg Eleanora Akitania e oa. Deuet e oa an anv "Dizouar" dezhañ dre ma ne oa ket e dad evit reiñ douar dezhañ a-raok marv e vreudeur all.

Dimeziñ ha bugale

E miz Eost 1189 e timezas da Isabelle de Gloucester, merc'h pennhêrez Guillaume fitz Robert, 2 kont Gloucester. Bugel ebet n'o doe. Goude bout anvet da roue en 1199 e reas dispenn an dimeziñ gant ar pab Inosant III dre an abeg a genwadelezh. Isabel a addimezas da Geoffrey de Mandeville, ha goude intañveziñ, da Hubert de Burgh.

Orgedet e oa ouzh Isabelle d'Angoulême, ur plac'h yaouank ugent vloaz yaouankoc'h egetañ, merc'h da Aymer Taillefer, kont Angoulême, hag a oa prometet da Hugues X de Lusignan. Addimeziñ a reas Yann e Bourdel e miz Eost 1200 da lakaat a reas kurunenniñ Isabelle d'Angoulême evel Rouanez bro-Saoz en Abati Westminster e miz Here. Pemp bugel o doe:

• Herri (1207 – 1272) a voe roue war e lerc'h,
• Richarzh Kernev-veur (1209 – 1272),
  • dimezet en 1231 da Isabelle de Pembroke († 1240)
  • addimezet en 1243 da Sancie de Provence (1228 – 1261), merc'h da Raymond-Bérenger V, kont Provañs.
  • addimezet en 1269 da Béatrice de Falkenstein (1253? – 1277), hagur verc'h o doe;
• Jeanne d'Angleterre (1210-1238),
  • dimezet en 1221 da Alexander II, roue Bro-Skos (1214-1249),
• Isabella Bro-Saoz (1214 – 1241),
  • dimezet en 1235 da Frédéric II, Impalaer santel (1194 – 1250),
• Aliénor d'Angleterre (1215 – 1275),
  • dimezet en 1224 da Guillaume de Pembroke (1190 – 1231),
  • addimezet en 1239 da Simon V de Montfort (1208 – 1265), kont Leicester.

En e raok: Richarzh Iañ

Roue Bro-Saoz 1199 – 1216

War e lerc'h: Herri III