Kalifornia

State of California

Lesanv : The Golden State
Sturienn : Eureka
Lec'hiadur e Stadoù-Unanet Amerika
Kêr-benn	Sacramento
Kêr vrasañ	Los Angeles
Gouarnour	Jerry Brown (D)
Senedourien	Dianne Feinstein (D) Barbara Boxer (D)
Yezh(où) ofisiel	Saozneg
Gorread	410,000 km² (3e)
• Douar	404,288 km²
• Dour	20,047 km² (4.7%)
Poblañs (bloaz 2000)
• Poblañs	33,871,648 (1añ)
• Stankter	83.85 /km² (12vet)
• Korvoder dre diegezh	$49,894; (13vet)
Degemeret en Unaniezh
• Deiziad	9 a viz Du, 1850
• Urzh	31añ
Gwerzhid-eur	Pacific: UTC-8/-7
Ledred	32°30'N da 42°N
Hedred	114°8'K da 124°24'K
Hirder	400 km
Ledander	1,240 km
Uhelder
• Lec'h Uhelañ	Mount Whitney
• Uhelañ	4421 m
• Krenn	884 m
• Izelañ	-86 m
Berradurioù
• USPS (post)	CA
• ISO 3166-2	US-CA
Kenrouedad	www.ca.gov

• Meur a ster all zo d'ar ger California.

Kalifornia (California e saozneg, stumm ofisiel; diwar ar spagnoleg) zo unan eus an 50 Stad kevredet a ya d'ober Stadoù-Unanet Amerika. E mervent ar vro emañ, war aod ar Meurvor Habask, en hanternoz da stad Baja California, a zo e gwalarn Mec'hiko.

En he 410 000 km² ez eus 36 milion a dud o chom, gant se ez eo ar stad pobletañ e SUA, hag an trede brasañ.

Istor

Indianed amerikan, an henvroidi, o deus poblet ar vro, betek ma krogas trevadennerezh an Europeaned e 1769 pa zegouezhas ar Spagnoled war an aodoù. Ul lodenn eus Mec'hiko e teuas Kalifornia da vezañ da vare dizalc'hidigezh ar vro-se diwar Spagn e 1820. Ne oa bet diorroadur ebet a-raok ma voe aloubet ar vro gant 500 soudard ha moraer stadunanat da vare Brezel etre Mec'hiko hag ar Stadoù-Unanet (1846-1848). Gant feur-emglev Guadalupe Hidalgo e c'hellas ar Stadoù-Unanet prenañ an takad digant ar re drec'het. Just goude e tesachas an Diskrap war an aour 90 000 envroad o tont eus ar Stadoù-Unanet ha staliet eo bet da 31vet Stad an Unaniezh e 1850.

Armerzh

Kreñvoc'h eo Kalifornia eget 5 eus an armerzhioù pennañ er bed o vezañ ma tegas-eñ 13% eus produadur broadel gros ar Stadoù-Unanet (13 trilion a zollaroù). An obererezhioù armerzhel pennañ eo ar gounezerezh, an dudi, ar greanterezh skañv hag an touristerezh.

Takadoù armerzhel a zo Hollywood e-kichen kêr Los Angeles (sinema), an Draoñienn greiz (gounezerezh), Silicon Valley (urzhiataerezh ha teknologiezh uhel) ha Bro ar gwiniegoù (gwin).

Kêrioù Kalifornia

1	Los Angeles	3,845,541
2	San Diego	1,359,132
3	San Jose	945,942
4	San Francisco	808,977
5	Fresno	505,479
6	Sacramento	500,189
7	Longbeach	462 257
8	Oakland	446,901
9	Bakersfield	333,819