Alan II

Plakenn ouzh moger ti-kêr Plourivo da gounañ emgann Frinaoudour

Alan Breizh, pe Alan al Louarn (anvet ivez Alan Varvek) (910-952 Naoned ) a oa kont Poc'her ha kentañ Dug Breizh adalek 936. E dad e oa Matuedoi, kont Poc'her, hag e vamm a oa merc'h da Alan Veur, roue diwezhañ Breizh.

E vuhez

Aet e oa da chom da Vro-Saoz pa oa bugel, abalamour ma oa bet aloubet Breizh gant an Normanded.

E 936, gant sikour Edouarzh, mab Aofred Veur ha war atiz an Tad-abad Yann Landevenneg en doa gwelet e oa tu da zistroadañ an Normaned e tistroas da Vreizh ha dindan tri bloaz e kasas an Normaned kuit: ar stourm a echuas d'ar 1añ a viz Eost gant trec'h Treant.

Emglev a reas gant Loeiz Tramor en doa anavezet e Bro-Saoz.

En e raok: reuziad an Normaned

Rouaned ha Duged Breizh 937 – 952

War e lerc'h: Drogon

Dimezioù ha bugale

• E 925 e timezas Alan da Roscille Anjev (ganet war-dro 906, marvet war-dro 948), a oa merc'h da Foulk Iañ, kont Anjev, ha Roscille Loches, itron Villandry.
  • Ur verc'h o doe : Gerberga Naoned, a zimezas da Yezekael Berengar, kont Roazhon, hag a vo mamm da Gonan Iañ.
• E 948 ec'h addimezas e Bleaz da Roscille Bleaz , c'hoar Tepot Iañ, kont Bleaz ha merc'h Gello Iañ , kont Bleaz ha Richilde de Gothie.
  • Ur mab o doe: Drogon Naoned, anvet ivez Dreux, ganet en 950, marvet en 958, a vo kont Naoned.
• Gant e serc'h Judit, marvet etre 948 ha 952, en doe tri bugel bastard:
  • Hoel Iañ, ganet war-dro 930, a voe kont Naoned goude marv e hantervreur.
  • Gwereg Breizh, ganet war-dro 933, dug Breizh, goude marv e vreur Hoel.
  • Judit, a zimezas da Pons de Marseille.

Beziet eo Alan Barvek en Iliz-veur an Itron Varia e Naoned, ar gêr en doa choazet da gêrbenn, ha harpet da adsevel war-lerc'h ma voe distrujet gant ar Vikinged.