Augustus (titl)

Augustus, pe Aogust, zo un titl

• roet evit ar wech kentañ da Oktav gant Sened Roma er bloavezh 28 kent JK, ha roet goude d'an holl impalaerien roman;
• adalek amzer Diokletian eo e voe graet ar c'hemm etre an anv Augustus ha hini Caesar :
  • Augustus e oa titl an impalaer o ren,
  • Caesar hini an hêr a dlee ren war e lerc'h;

Diwezhatoc'h e voe pevar impalaer, daou "aogust" ha daou "gaesar".

Gwelout: Caesar

Augusta

An anv Augusta (pe Aogusta), stumm gwregel an anv Augustus e latin, a veze roet ivez da wreg an impalaer roman:

• Livia Drusilla, gwreg Oktav, a voe anvet Julia Augusta adalek ar boavezh 14 ,
• Agripina Yaouankañ, gwreg an impalaer Claudius.

Dilez

Dilezet e voe an titloù latin e penn kentañ ar VIIvet kantved gant an impalaer Heraclius, ha kemeret an anv basileus (roue, e gregach).

Adimplij

Diwezhatoc'h, e voe adkemeret an titl-se gant impalaerien Alamagn adalek Otto II. C'hwezhet e voe zoken peogwir e oa deuet da vout semper Augustus pe perpetuus Augustus.