Bodadenn vonreizhañ vroadel

Krogit e-barzh !
Un danvez pennad eo ar pennad-mañ ha labour zo d'ober c'hoazh a-raok e beurechuiñ.
Gallout a rit skoazellañ Wikipedia dre glokaat anezhañ. 

Evit sevel ur vonreizh e vez bodet ur vodadenn vonreizhañ. Ur vonreizh a zlee bezañ skrivet evit ur bobl hag e tlee bezañ degemeret asant ar bobl goude. Graet e vez gant ur referendom d'an aliesañ. Patrom ar vodadenn vonreizhañ eo ar Vodadenn vonreizhañ vroadel c'hall a oa bet krouet diwar votadenn kannidi Breujoù meur Rouantelezh Bro-C'hall e 1789.

An darn vrasañ eus ar gannaded a oa bet bodet e Versailles diwar urzh ar roue Loeiz ar XVIvet ne oant ket evit gouzañv ne vije ket asantet gant an Noblañs hag ar Gloer chañch sistem-merañ Bro-C'hall. D'an 21vet a viz Mezheven e tivizjont embann, goude ur votadenn, ez aint d'ober ur vodadenn nevez, he fal dezhi sevel ur vonreizh hag hec'h anv, ar Vodadenn vonreizhañ vroadel.

O welet e oa dibosupl dezhañ bleniañ labourioù ar Breujoù meur ec'h embannas ar roue e vije lakaet un arsav war o daelioù hag e voe serret dorioù ar sal-vodadeg. D'an 22 a viz Mezheven, pa welas ar gannaded e oa bet serret an dorioù e voe kinniget gant un nebeud kloer ma vije graet ar vodadeg en Iliz Sant-Loeiz e Versailles. 149 kannnad ar Gloer ha 2 gannad an Noblañs a yeas da vodañ gant kannaded an Trede-Urzh.